長洲outing - 下集

行行行,

行到見到海傍邊曬緊d蝦肉,

好肥美!

d蝦蝦既'影' 好靚

我又係想影地下d'影'... 無人理我地,
任影, 真爽!

同學仔幾專注去影~

不過d蝦肉都幾多野'嬲',

唔單止烏蠅, 連蜜蜂都有...

一抬頭, 又見到貓,

你又見到嗎?

冬菇亭放d炸麵/米粉出黎抖涼...

行番入橫街,

見到貓賊o係燒肉店偷燒肉!

d叮o當出埋黎曬太陽,

lunch 了,

我地去左飲茶,

不停講講講,

食曬咁滯先記得影相..
個馬拉糕好好味

拎左3 round野,

仲1人1支可樂,

都係每人42元,
抵抵抵抵到爛

飲完茶, 決定行多陣、影多陣

去買完野

經過沙灘邊呢間酒店,

佢外牆隻蛋黃黃色我好中意,

行落去沙灘吹吹風,

見到菲鴨8R都影呢個色彩繽紛的水泡,

手痕痕, 又影埋一份..

好想浮出海呀!

一落到沙灘邊,

就見到呢樣野o係空中飛翔~

望真d, 原來係1個鬼佬'縛'住條腰帶,

靠天空呢塊野既風力係海面滑水

好型, 好好睇!

又係呢位同學仔既背影,

我發覺原來次次outing我都有影佢~~~ 既背影

吹左一輪風又行番出碼頭,

中途又買買野,

今次行右手邊去北帝廟,

一路行, 有千層糕, 好似好好味,

終於去到北帝廟

北帝廟又名玉虛宮，

位市中心北，建於清乾隆四十八年（1783年），

是島上歷史最悠久的廟宇之一。

廟內收藏了一面清朝的金木雕和一把宋朝的鐵鑄大劍。

每年的太平清醮，就是在北帝廟舉行。

香火鼎盛

ps. 大意的我當日唔記得上支香,

我一向奉行'入屋叫人, 入廟拜神'

點都要打聲招呼...

但當日呆頭呆腦掛住影相忘記了.................

又偷影同學...好立體丫, 呢d花花

係o係一幅牆既立體花花,

好靚

仲有我好中意呢d雕刻,

見親都由心喜愛, 好奇怪..

...

地下d影幾靚

走la, 一回頭見到d小朋友 do rei me fa 咁企影相,

好有趣

嘩哈哈, 唔影唔得, 好有親切感!

我屋企有呢個石油氣牙簽筒呀!

過2日貼埋出泥先~

同學鴨話我地特別中意影d海產, 又係wor.. 咸魚掛在街名牌 ;p

另類特色

^///^ 我幾中意呢張既倒影架

在船上, 影低菲菲既其中1樣記念品,

跟住訓覺, 訓到東why西倒.......

呵呵呵呵呵呵呵呵呵呵~~~~~

番到屋企又有鹽燒雞中翼again,

我實在被寵壞了...

哈哈哈哈

o係長洲買既野~
後記:

行去北帝廟時鴨鴨話曾經o後果度見過棺材,

我立即膽生毛(發曬毛果d毛) 其實寒寒地...

之後xx問我, 有無去東堤, 我話經過d渡假屋邊,

佢問我有無去出面海灘..

佢話有線o2節目拍過果度沙灘full of 靈體....

好驚...

但係我地去果時日光日白..

環境又咁靚&舒服,

實在好難想像將恐怖同果個沙灘掛勾
至多, 至多夜晚唔去..