過大海+再戰屠場

上星期四晚去左飲xx's 堂細佬結婚果一餐,

星期五同xx齊齊放假,

因星期六xx要番半日工,

咁又借d咦咁過大海吃喝玩樂~ 嘻~

.

唔帶大大力,

星期五過到去都成3點幾4點,

直線踩去'Fernando' tea

呢個時段無咩人..

好舒服
聞名的包包
其實佢出名o係咩呢?
我剩係覺得佢夠新鮮..
我地只係叫左燒乳豬
隻乳豬果然ok得wor
同埋燒沙甸魚
(共4條, 有2條已經去左xx同我隻碟度)橄欖油同醋愛黎點魚,

飲sangria (無影相)

hea左陣,

然後就出出面果個黑沙灣個沙灘吹下海風
又吹下'新鮮'的海風, 嘻嘻

搭車去新馬路手信街行,

買我念念不忘既潘榮記金錢餅

順路買老豆個舅父order 既手信

食埋葡撻

就去逛搬左位既新八佰伴

行到超級市場果層,

見到parmaham, 平hk1/3,

兩眼發光

即刻order愛黎做消夜,

但pack 得都唔好,

求其一碟咁

(唔好意思唔記得價錢打格仔)

第二朝難得地10點已經起身,

中午成點幾先去會xx

百無聊賴又肚餓,

懶賢良淑得咁落街買埋支清潔劑諗住洗下個廁所

(yes! 我同自在有仇!!)

順便買杯珍珠奶茶頂下肚

點知番到上去用所匙開極都開唔倒度門..

條所匙啱, 插得入左轉右轉都得,

聽住個鎖開開關關度門都唔開

攪左成15mins 先開倒..

塊面唔止滴汗... 仲滴埋油 -_-''

(xx之後話度門係要推住開唔係拉住開)

...

到左威尼斯人,

原來NaRaYa 就正正o係曼聯店隔離

敗一輪家

就去tum仔食海南雞飯,

(橫街小店, xx d 同事介紹)

嘩~ 好味過勝利小廚!

呢個下次要encore~

叫埋個炒牛河, 一樣掂!! 諗住留少少位去食得香港人食既大利豬扒包,

(d 澳門人話西灣d豬扒包先好味,

無咩澳門人去食比香港人排曬長龍既大利豬扒包,

但我都係中意食大利豬扒包,

就算佢比唔上西灣豬扒包..
大利豬扒包夠新鮮熱剌,

風味又夠, 最主要又有提子汽水飲~ )

但可能假日既關係,

條龍長得真係有d過份...

唯有走, 又去手信街掃我d'手信'

又番威尼斯人hea 多陣,

.

番hk 直奔屠場..

殺手集團首領出左memo

趕住去做殺手

今次我地真真真係有d瘋狂...

殺呀殺呀殺~

殺左3至4個死囚...

殺得性起..

大家你眼望我眼..

決定再飛的去捉d犯番黎殺過

(係再去永富買蟹蟹)

連皇上皇都殺~

皇上皇比殺手分屍前留影 已經有好黏口既白膏

1晚黎2 round...

好正正正正正丫!

大大滿足的一個週末

bonus

尋日, 仲諗住一切如常...
正常去湊b, 正常番屋企, 正常一個人..
過一個唔正常既紀念
接近放工, xx突然比2個選擇我..
1. 過'馬交'食自助山
2. 佢番黎同我食飯
我無心理准備過大海丫,
d糧又唔夠頂多24小時..
同埋第二日一個人搭船走番hk好淒涼架
mc 我又無請假..
但係xx咁撲番番黎第2朝又晨咁x早走會好辛苦..
最後, xx都係揀番黎, 我去湊左一半時間b就去接佢船..

入大埔食打冷.. 回家同貓玩..
平平凡凡的一夜, 但感覺很幸福

第二天一大清早,
xx又風塵撲撲的上班...

好似發左一個好夢咁, 好開心丫,
謝謝你丫xx

六六無窮

今日係xx踏入我既墳墓6年!!
睇黎佢都係永不超生的了!!嘿嘿..

新極限

由今日開始要過16.5個秋...............

萬變心情

昨晚還在愁..
剛剛過完10.5個秋天..
緊接着是15個秋天..
很難捱丫.. 何時才能習慣呢~
怎知, xx 今午lunch 告訴我今晚回來
因為明天要到粉嶺睇料.. 睇完才再回去~
YEAH~!!!!!
今晚又能見到xx了.. 哈哈哈哈哈

有貓歡喜有貓愁

呢兩日xx唔o係屋企..

Souffle 變得悶悶不樂..
平時每一晚番屋企3隻豬仔一定衝埋黎俟身俟勢反肚din歡迎我地..
尋晚Souffle 一番常態,
遠遠趴o係地下眼超超嘴扁扁反曬耳咁望住我
叫佢佢對耳仔郁1郁唔過黎..
(平時叫佢一定過黎架~)
一時沒精打彩.. 一時嬲爆爆咁..
佢一定好掛住佢老豆...
夜dd, 佢走埋黎嗲我.. 用頭用頸屎卒爛卒我隻手..
我當然即刻奉上'R'頸服務..
佢就坐o係我大肶'咕嚕咕嚕'..
然後去避寒中心'坐..
出奇地, 兩晚都無 '舌累' 玩棒棒..
xx o係屋企佢就無時無刻都 '舌累' 住佢要玩...

陰公豬lor..

********
至於Hazel 就大解放..
心情非常靚成日行黎又行去..
又同我講下野~~~
唔知點解由細到大佢都好驚xx..
xx一同佢講野會即撇..
好明顯佢心情靚靚..
我老豆阿媽上黎都勁主動招呼佢地..

********
Nermal 就.... 萬事不理
呢2日凍凍佢成日坐o係d暖既野度..
呢埋樹窿裏
萬般不願行d磚地下..
佢超怕凍..
尤其xx唔o係屋企室溫好似額外跌左5度咁..
之前晚晚佢都訓xx大肶
我想.. 佢應該都好掛住xx的...

********

唔知聽日xx番來佢地有咩反應呢?

頂硬上

尋晚去完深灣飲,
番到屋企都12點半了..
先執果袋行裝..
跟住... 眼光光唔願訓..
唔想咁快到第二日丫..
唔想見到個天光
..
之前一路只係口講話點樣樣,
好遙遠.. 明明是咱家事也好似人地既事..
沒有想得太真實
但想像同現實原來真是有一段距離
今朝, 見到家裏一切妥妥當當..
食物碗滿... 貓砂乾乾淨淨..
廁所裏有熟悉的香味
真實感覺到才由今天開始..
鼻子像被人狠狠窩了一拳
針唔拮到肉唔知痛
呢支針拮左落黎了...

再見-主題曲

如果有日返到屋企你唔喺度 (如果有日返到屋企你唔見咗)
我坐喺度,開大套Hi Fi都無人投訴 (用幾耐廁所都無人哦我)
話我嘈，無人同我嘈　(我嘅生活鍾意點過就點過)
耳根清靜到想做乜都可以照做　(唔使睇你面色，我就係我)
但係補身嘅湯我自己又唔識煲　(但係每晚我加班遲返)
夜晚趕proposal就咁訓咗係度　(無人幫我留餸留飯)
無人為我鋪好個床鋪　(以前嫌你麻煩,嫌你野蠻)
聽朝早無咗你把聲又醒唔到　(但係無咗你喺我身邊，生活好多困難)

part of 野蠻奶奶大戰戈師奶主題曲