虎年大年初一

今年年初一,

番Ally's 爺爺嬤嬤度拜年先,

往年爺爺嬤嬤中午就出發去xx's 婆婆家,

所以我地通常番外家先, ->我婆家 ->xx婆家,

初二先番奶奶屋企開年..

今年skip左我婆婆屋企,

出去奶奶度先

同Ally o係爺爺屋企影張全家福先~

(今年無買衫過年..求其著番前年果件過年冷衫..

著住風褸牛仔褲就出門口..)

Ally o係太婆屋企,

條好靚既HelloKitty口水巾係夏ee o係我未生果時送架!

好中意, 平時唔捨開黎得用,

紅噹噹, arm曬新年見人用~~

件棉立仔係婆婆送,(裕華買)

真絲棉, 超級暖,

都係搏一舖初一凍5凍先有得著,

yeah~ 搏到!!

係著呢幾日, 咁細件, 出年唔會arm著lu....

(xx後面打緊牌XD)

同表表哥齊齊午睡..


佢全身既打扮我都好中意丫 XD
太婆屋企年年都超多人..
諗住帶曬全部儲備奶餵囡,
忍一日唔埋身餵..
(o係街我唔o係人面前埋身餵.. 披住巾都唔想..
克服5倒我怕羞會=有壓力=丫囡食唔好..)
點知4點幾走左一炸人,
奶奶叫我趁少人有時間可以閂埋房門餵, 正
今年留低食晚飯有28人 Ally堂哥哥朗朗食飯果時上黎同太婆拜年,
捉住佢影張相
食完飯, 番屋企同Ally洗白白,
換番件保暖衫,
呢件又係未生果時買落,
件衫好保暖, 誤打誤撞arm佢呢幾日超級凍著, hehe
Ally同爸爸'談心'


我就準備整椰汁生磨馬蹄糕,
手腳慢... 切皮都切左成個鐘..

煮 煮完再蒸1個鐘.. 搞到2點幾..

(未蒸圖, 蒸完無影相)

預備年初二拎番娘家~

年三十

倒數番去到年三十先,

今年我乜都無執無抹~

只係臨到4-5點換左已經買左3個月既窗簾..

要熨1熨d腳改短

大功告成

夜晚公公婆婆佢地一家過黎要同孫孫食團年飯,

Ally第一個年三十團年飯呢

好凍...著到青bb咁落街..

食完番到屋企就訓左...