六小時

噢噢.. 呢排無咩搞作,

成日淨係post d野食出黎,

呢度就快變成煮食blog only..

...

尋日, 突然好想食荷葉飯

落街買荷葉, 蝦.. 浸江瑤柱, 冬菇..

用浸冬菇江瑤柱d水加雞湯煮熟d飯,

倒出挑鬆放涼, 加入已切粒的燒鴨肉, 蛋皮, 蝦, 及爆香了的冬菇粒..

再加麻油, 熟油, 頭抽, 拌好

洗乾淨塊荷葉.. 放入足料有味飯..
包好, 大火蒸30 mins..

嘩哈哈, 成功了!! 香噴噴, 巧巧味呢~


仲煲左蠔豉節瓜湯, 蒜蓉炒青通菜, 黑椒牛仔柳粒


洗好碗, 又開始搞第壇野..

'牛屎'棒子曲奇..
原來, 整曲奇搞混d料好簡單, 但都要幾用力, 手巧酸.
入唧袋. 第一次用唧袋,
唧到一督督c咁...
所以要叫做'牛屎'棒子曲奇
出黎個效果倘可接受
入袋, 送一半比老油雞..
十點幾, 有d手軟, 拿拿林搞埋第三壇,
整親呢個蛋糕都手忙腳亂,
d步全部都要快快快~
....
終於搞掂, 放入焗爐.. 焗50mins..
又洗呀洗呀洗..
今次用足10隻碗,
上次一個人o係屋企整完蛋糕,
第日xx幫我執番d碗入櫃,
問我係咪宴客黎..
點樣用倒8隻碗.. 哈哈
一屋灕漫住朱古力香~
蛋糕又搞掂左..
放涼一晚先
好倦好倦.. 訓覺先
依家預備出門口la~

老油雞今日b-day, xx早2日生日,

呢個cake 佢地一人一半架

尋晚total企左o係廚房足足六小時呀!

好勁呀我!!!