探b日

食完海鮮宴既第二日..
同xx就去探阿姪兒..xx未見過個姪呢~
橫掂同區,
乘乘機機同xx又去探埋小小Ring~

xx都未見過佢呢

中午我倆飲完茶,

拿拿林整個香草包包做手信,

就出發了~~

小小Ring 3個多月大la~ 睇相我覺得今次佢似爸爸多過似媽媽...少少

遺傳呢家野真奇妙
肥dodo~~

又眼超超 haha連喊樣都可愛過人~

望鏡頭

果日佢吽吽地想訓覺,

一張笑既相都影唔到.
唔制呀~
坐左唔夠半個鐘,
又要滾水淥腳咁走...
去叔仔屋企..
過左十二朝, 上到去有薑醋食~

成屋都人頭湧湧,
姪仔訓緊覺..
食左碗薑醋, 影左2張相...

坐一陣, 就同奶奶走去食晚飯了

o靚仔,

次次見親你都訓緊覺,

你幾時mark大隻眼比伯娘望清你個樣呀?

話時話, 原來直至依家

我都仲未抱過佢..

次次都衝衝的來, 怱怱的去...

芝士洋蔥Focaccia

尋晚發神經,

突然好想好想食Focaccia,

放工一番屋企洗手就又~搓包...

入爐一刻
meet 一小舊做小小Focaccia,
又ok wor, 未必一定一盆過
細細舊好可愛丫 一盆, 少d材料, 多d芝士, 好美味!!
我愛上了Focaccia

超黑麥的罌粟子包

喺整Focaccia 既同時,

搓包搓得唔夠喉,

再量份量搓麥包,

我次次都記得下一次D黑麥粉唔好咁重手,

但係每一次都係搓埋先再記得,

次次整到成個朱古力包咁既色..

今次用新'印'按壓,

太大力, D 紋太深

出爐

效果依然不大滿意 有2個我釀了餡
芝士是也,

熱剌剌即刻食一個, 好味好味

要再做呢款包包,

要做到滿意為止, 呼~~

Focaccia

星期日, 閒在家, 又練習搓包..

今次, 要試整呢個意大利包,

貪佢方便, 發酵1次就ok了

45min 後, 已變大2倍
整型放上材料
就入得爐la~~
講咁快就食得,

個包好得, 鬆軟香,

連xx都話呢個'ok la',

食完再食, 嘻嘻

不過料太多, 下次要減減先

黑白芝麻麥包

呢個包包9月28日整架~

媽咪中意食罌粟籽同芝麻包,

呢個又係試驗品..

做得成功就請媽咪食~

依足書既分量

但個芯比較硬..

手勢問題? 酵母唔夠?

發酵時間掌握不夠?

要再接再勵~~ 努力努力

在公司自吞.. 同事M 搶了1個,

佢話ok wor, feel 到個包好健康,

當減肥包一流wor~~

罌粟子蕃茄洋葱包

唔忿巢,

之前個罌粟子法包鹹過籠失敗了,

尋晚又心思思深夜搓包~

搓好所有料, 又發酵一個鐘~

分割6份, 滾圓鬆'遲'15分鐘
造型

(我得呢個'牛屎印', 又整六堆牛屎, 哈哈)

還在扁扁的狀狀態,

掃上蛋液, 夾硬都要印上罌粟子~

最後發酵30分鐘,

(呵呵, 升高了少許耶~)

入爐, 全屋瀰漫住蕃茄洋葱味, 好正~
出爐la!!

個樣就ok la!!

新鮮滾熱棘食一個,
好掂, 好好味啊~~

今天帶了番公司做早餐下午茶呢~

罌粟子法包

星期日晚, 又洪心壯志的在家整包包,

這是小時記憶媽媽最愛吃的包,

所以潛意識地我也很愛罌粟子~

上網搵到個recipe,

屋企又齊料,

開工~

所有粉類+鹽

固體菜油, 新鮮酵母, 水, 及老麵
發了一小時粉團..

um... 咁深色嘅!?

分割, 排氣, 滾圓 (我知唔圓ai..)
預備罌粟子, 蛋白液加水打暈過濾備用,
狠狠的印上印..

呃呃呃~~ 咁似...
掃上蛋白水, 印上罌粟子,

再最後發酵1小時,

唔好side, 將剩下的罌粟子全灑上包包,

入爐

(加石仔蒸氣焗桑拿)

出爐.. 罌粟子... 好像真的太多了

內裏組織ok,
顏色唔得

但包包好....... 鹹.....

試食了半個. 就.....送曬比垃圾筒了