罌粟子蕃茄洋葱包

唔忿巢,

之前個罌粟子法包鹹過籠失敗了,

尋晚又心思思深夜搓包~

搓好所有料, 又發酵一個鐘~

分割6份, 滾圓鬆'遲'15分鐘
造型

(我得呢個'牛屎印', 又整六堆牛屎, 哈哈)

還在扁扁的狀狀態,

掃上蛋液, 夾硬都要印上罌粟子~

最後發酵30分鐘,

(呵呵, 升高了少許耶~)

入爐, 全屋瀰漫住蕃茄洋葱味, 好正~
出爐la!!

個樣就ok la!!

新鮮滾熱棘食一個,
好掂, 好好味啊~~

今天帶了番公司做早餐下午茶呢~

全視線

幾日前配了副新眼鏡~

今次鏡片選了全視線no.6,

出街一有紫外線即刻變色,

啱曬我呢個成日出街又怕曬既人

不過, 我都會照擔傘的

其實我自己係睇唔到變色架帶住個陣~

只有身邊d人會睇到我變色

.

ps. 我d低能野:

第一二日我一有太陽曬就除副眼鏡印落件白衫度睇下有無變色

又除又戴幾廿暈...

我覺得好新奇ma~

每除一次就比xx笑一次..

不過依家慣la,

唔會咁無聊了,

頂多, 頂多在路上有車經過時喵一喵自己個倒影, 嘻嘻

保鮮袋

點呀~

出埋保鮮袋,

點忍得手呀!!

煮攻健食大閘蟹

係咪即係食得啦!! 食得啦!!!!

中秋未到，現在吃大閘蟹會否未是時候？當然是照食可也！論當造，首選上海 淀山湖的「六月黃」，分量雖不及陽澄湖的大隻，但勝在膏多，用來做蟹粉最適合。不過若食不得法膽固醇隨時超標，原隻煮與蟹粉的烹調，健怡度大有差異。想食得開心又健康，煮、食方法不可忽略。

yahoo news~~ : http://hk.news.yahoo.com/article/080902/3/80xv.html
.

罌粟子法包

星期日晚, 又洪心壯志的在家整包包,

這是小時記憶媽媽最愛吃的包,

所以潛意識地我也很愛罌粟子~

上網搵到個recipe,

屋企又齊料,

開工~

所有粉類+鹽

固體菜油, 新鮮酵母, 水, 及老麵
發了一小時粉團..

um... 咁深色嘅!?

分割, 排氣, 滾圓 (我知唔圓ai..)
預備罌粟子, 蛋白液加水打暈過濾備用,
狠狠的印上印..

呃呃呃~~ 咁似...
掃上蛋白水, 印上罌粟子,

再最後發酵1小時,

唔好side, 將剩下的罌粟子全灑上包包,

入爐

(加石仔蒸氣焗桑拿)

出爐.. 罌粟子... 好像真的太多了

內裏組織ok,
顏色唔得

但包包好....... 鹹.....

試食了半個. 就.....送曬比垃圾筒了

家常晚餐 2008_0831

簡簡單單又一餐,

老火湯係粉葛赤小豆煲骨呢~

全餐最正在於唔係我煮的

呵呵呵呵~~

麵包實習初班第五堂

今堂有椰絲奶油包, 菠蘿包, 同埋上一堂無整既扭紋杏仁條

.

又係每人搓半磅粉,

先睇椰絲奶油包

分d出黎做齋包入爐焗先~

出爐放涼,

中間界一刀,

掃上'生蛋液',(well.....~~) 再印上椰絲~

中間唧上由牛油同砂糖打成既cream,

搞掂~

好喇到扭紋杏仁條~

好忙呃, 好似喺工場咁

d扭紋條係每人果份粉大約分3/5出黎,

集大成的混和, ( um.. 接受唔倒~)

中間舖上吉士, 碌薄, 切長條, 扭成形

灑上杏仁片, 入爐, 即成~

.. 老師叫呢位男同學搓曬大家的菠蘿包皮,

用佢手心的溫熱來搓軟d材料,

well.. 我d'痾過野' 又發作,

用雙手按薄, 舖上包包,

再掃上蛋液~

出爐了~

個皮有少少臭粉, 所以極其鬆脆,

我meet 左少少試味,

係好得架~ 今次, 我同老4 total攞一份走,
太多放唔到咁耐又食唔曬,

而且老師每次都要預多少少派比出面寫字樓d人

總好過過3數日又拎出花園餵雀仔/放入冰箱吸味

xx不甚愛吃甜包, 所以亦都無留比佢

ps. 第二日分曬比d同事lu~

未化

已努力學習中, 但有d野仲係未睇得開...
要睇開d, 睇開d
+oil

藍天

呢幾日d天氣都好靚好靚~

個天好藍,

想放日假出街影相相丫..

但仲係好熱.....

星期六的收獲

食物溫度計

無粉紅色,

黑色都殺殺殺~~~

九號風的一天

因為之前一晚上麵包課,

老4 o係我屋企訓埋,

咁, 就滯流左喺我度2晚啦~

星期五, 大清早睇電視知道8點掛8號,

安心訓到黃朝百晏~

先起身煮個brunch,

蛋煎鍋貼+pancake,

然後落街睇下搶5搶到舊豬'月展'煲湯..
幸運地有埋雞, 仲有椰子,

咁, 就可以煲我愛既椰子雪耳煲雞~

好耐無飲呢個例湯la~
正

下午就不停洗洗抹抹,

好似做左好多野,

但間屋都好似無乜點變.. -_-'''

夜晚炒左個飯, 煮左個肉片菜,

又一餐~

洗曬d野, 搓左&發左dd老麵:

冰左佢, 用黎搓包等d包鬆軟d保水d,

焗爐, 就沒有開了

麵包實習初班第四堂

三號風, 今晚係上南瓜提士包同忌廉吉士包

對南瓜完全無興趣,

但又好中意食吉士,

都係乖乖地上堂.

個包底依然係甜包底,

左邊係南瓜蓉, 要搓埋落D粉度,

右邊係忌廉吉士, 包喺D包包裏面

掃上蛋液
出爐了~

個忌廉吉士包OK~

左邊老4的, 右邊我的 第第日比曬我D南瓜提士包老4拎埋番屋企餵雀仔
南瓜... 我真的麻麻

下堂阿SIR 話想4個人一組搓一份,

話入爐形狀會勻一D喎~~~

但我又唔想lor..

一定我爭你爭/我禮讓你你禮讓我

咁點搓丫

而且睇唔到就話者,

我真係唔係咁食得落睇住人地摸黎摸去完既食物...

聽日打風~~

好緊張~ 好興奮~
急不及待諗定聽日可以整咩包包餅餅~
或者同細佬沖下涼~
洗下個雪櫃~
煲啖湯飲~
又可以訓到晏一晏~
cool~

美食節

今次...勁累...

頭大半個鐘xx行左陣已經速撇,

去會佢d friend,

我就同姑仔繼續行..

我就一睇啱就買, 頭1個鐘其實已經滿手戰利品,
可以走得架la..

但姑仔自制能力非常好,

行完2大hall 諗清楚先番去買佢要既野...

行左4個鐘..

睇番d野都唔算買得多野

都好節制的了

但係就已經好重..

重過咩相機丫

之後去埋xx個friend 屋企,

食埋飯先走

(落街打邊邊丫)

最滿意買到樽蟹王醬~

買唔到榴槤, 雪雞, 午餐肉, 波子汽水, 湯料, 靚米, 玄米茶, 墨魚麵...etc

嗚..

出年婆仔feel 都一定要拉車仔!!