梳乎厘與我

突然好想好想好想食梳乎厘呀呀呀呀!!!

好想食太x館既梳乎厘!!!

我至愛既梳乎厘!!!

size大個個人頭!!!

.

*呢張相o係05年影的, 當時仍未知道幾個月後我會擁有梳乎厘!!!

xx, 今年生日我想食佢丫~~~~

.

梳乎厘Souffle法文有「膨脹」的意思，

它的主要成分為蛋白，

吹彈得破是一般人對它的印象，

皆因出爐後的梳乎厘，外形只能維持數十秒
kaka~

油「魚追」

呢張野變左身做石頭..

油「魚追」通常身藏石隙中...
(佢自己攝入去, 唔係我com上去架!!)

一見就貓游過...

就會立即撲出....

(佢訓正走廊位.......)

抵飲養顏老火湯

我已經飲左3日星期日煲果煲湯..
仲有聽日lunch.. 應該飲完la 瓜..

d雞.. 用薑蔥蓉炒埋剩番果d飯做lunch..

...
明日lunch 都可以清埋了...

...

...

...

老火湯原材料

重手信

老油雞今個week去左Penang 公幹..
我地如常晚晚通電..

星期一晚, 佢話比我知買左樽'海南雞醬' 我做手信..
星期二晚, 佢話比我知買左黑豉油(杰撻撻果d), 多一樽'海南雞醬', 另外果邊好出名既蔴油比我...
樽樽都玻璃... 樽樽都重野...唔知今晚又有咩呢

上一次佢番澳洲, 見到有一隻好香既檻欖油, 又拎左2樽5kg 油... 我5kg 佢自己5kg..
都係1d hk少少難搵d既野, 佢又知我中意食, 真正千里迢迢咁拎番黎.. 樣樣都好重,

佢去仙台買既野都係手信, 我既手信仲多過佢自己既野...
連佢xx都睇唔過眼... '又買野比你隻雞丫!!!'
據說類似投訴每一次入店都發出 ;p

正如上一次, 色魔們去完東洋, 果幾袋手信,
全部係d我超中意既野;

好滾動又暖呼呼的感覺...

猜猜猜誰是兇手

嗚~~~

我被咬丫~~~

23號, Miw Family 5口一齊去元朗打預防針..

Hazel Nermal Souffle 一貓一袋..

兩個哥哥坐車尾

突然其中一個袋內有隔住布料無情地一啖咬住我隻手..

(佢唔中意+好驚出街發脾四丫)

已經立即縮手都太...遲

o係貓袋布料狠狠地插出一隻隻牙齒

傷口唔大但係都唔淺唔深

立即將2塊甩左一半既皮com番住..

立即麻左..

番到屋企消毒痴膠布..

第二日, 換膠布

一野又扯甩塊表皮.. 又流血..

好麻煩丫,

如果咬高少少就好了...

手掌痴住膠布先發現有好多野唔方便..

去toilet洗手會濕

尋晚湊b又洗左N次手...

刷牙又整濕..

洗頭水原來都幾'那'

查cream 會整甩

筆c要小心

用力d又痛

洗呢洗路要帶手套..

我好趕住大掃除家ma..!!!

.

另一隻就暈車浪........

今次又估唔估到邊個咁'無心'地狠心...

去打針我地有影相相丫,

遲d貼

後記: 自從知道佢地識聽人話, 果晚就捉住佢教..

下次唔准咁惡... 咬到好痛架ma.. 君子動口不動手... 隔袋咬人整甩d牙點算....etc

佢又乖乖的聽我哦...

.

ps. 果日發現Angelo Michel 有一隻丸狀芝士粒既零食佢地好中意食,

偷左幾粒比佢地試.. 勁中意.. 連Souffle 都搶

即買左2包, 下次比d你地又試下

扭頭睡姿

訓得咁冧丫, 多角度比人拍照也不知.. 哈哈

4日假期

咁快就放完...

放第一日假,

番娘家同Miw仔&Mic 仔沖涼,

搞左1日,

夜晚入左流浮山食蜜汁鷄翼

好好味呢..

兩個哥哥洗白白

剛剛同Angelo Michel 洗白白..
已updated相相在***自動貓世界*** ^^p

難為正邪定分界

唔知點解, 今日個腦成日諗住呢首歌~
我好好好中意呢首歌架!!

(凡人)對抗命運 但我永不怕捱
過去現在 難題迎刃解
人生的彩筆 蘸上悲歡愛恨
描畫世上百千態
(魔鬼)控制命運 任我巧安排
看似夢幻 凡人難盡瞭解
人間的好景 給我一朝破壞
榮辱愛恨任分派
(凡人)努力未願未平賣 人性我沒法賤賣
(魔鬼)今天死結應難解
(凡人)努力與建
(魔鬼)盡情破壞
(合唱)彼此也在捱
(魔鬼)看吧 邪力正強大
(凡人)世界腐敗犯法那需領牌
(魔鬼)看吧 強盜滿街
(凡人)法理若在 為何強盜滿街
(魔鬼) 啊 啊 難為正邪定分
(凡人)人海的衝擊比那蒼海更大
難為正邪定分界

(無線電視劇"飛越十八層"主題曲)
曲：顧嘉輝詞：鄭國江編：顧嘉輝

心情

今日有d低落有d悶。

沒有原因.

我比賊仔搶野丫!!!

事發地點: 屋企
時間: 晚上
註: 好好好彩無財物損失... 只係... 變左形.. 扁曬...










我...我...我...咁大個女都未試過比賊仔搶.......................................
...........
........


屎.....

yes!! 係'屎'丫~~ 真係令人無法致信..
星期晚我好踎低好努力咁o係貓厠所剷呀剷呀剷..
(我用透明果隻薄薄膠袋袋住)
唔知點解果次特別多..又.... 大陣味..
閉氣剷完之後右手遞開個膠袋..
左手繼續兜兜 d 砂掃番平~~
就o係呢個時候..
我隻右手果個膠袋比賊仔好大力咁扯走左
我大叫左一聲!
見到賊仔火箭咁標左去..
仲未打結果袋野'o拍'一聲咁跌左去飯廳果邊..
好好好彩無跌緊d出黎乍!!
如果唔係都唔知點執番果d'新鮮熱辣'
好好好彩..
賊仔之後好若無其事咁走左去..
企番起身, 忍唔住笑..
好'輪'落呀!!! 屎都搶~~
.
人地話'擔屎唔偷食'
我d貓就'搶屎又偷食''
.
我唔講係邊個la..
佢已經瘀到爆架la~~
留番1分薄面佢la!! kaka

2008年香港花卉展覽

上星期六, 花展既第二日, 天晴

同埋菲鴨牛媽莎拉一早入維園影花花

曬到紅卜卜

********

今年個主題係太陽花
我中意呢張




小蜜蜂*嗡嗡嗡

迷你三色堇

...

呢張我都好中意.. 不過光圈太大了

好靚既草皮

其實呢張我都中意..

呢d一枝枝好似魚缸d草丫!!

鬱金香

呢張我諗左好耐.. 打橫擺定打直擺..

最後abin 打橫, 呢度打直

小花花

紫色花海! I like it!!

I love Purple ^v^

唔知咩花

好似d龍/蟲

好多花花都開左,

好少花蕾

唔知咩菊

拋下書包先 ^^p 含苞待放

長壽菊

呢張唔係花展裏d花花, o係維園影架

my 全能鏡童

跜住, 我地碌左去Duck Duck Fun Club...

...

待續...

Hello Kitty Pancake

尋日tea, 終於捨得試下個煎pan..

士多啤梨朱古力槳pancake.

由xx操刀

好味丫~

ps. 諗住帶花展&鴨屋既相相番公司先upload,
今朝番到泥先發覺抄曬落屋企部腦張card無留底...
要今晚先攪到.. 嗚 >.<