Buffet Club Camp 07 CAMP 之共遊大澳篇 (終回)

終於有dd時間upload 埋呢套相..

好, 我地繼續..

食完個早餐, hea 多陣, 就去大澳食lunch...(係丫, 又去食)

咁等某某揸車落黎既時候..

我同xx都目擊到有家庭暴力事件發生...

...

...

...

...

某夫婦傾傾下計突然變面.. 首先個男既出手先!!!!

一出手女的面露苦色!!!

(為保護受害人要打上格仔)

而且有無發覺好恐佈..

近dd睇,
成條辮子衝起左!!!!


繼續打~ 好殘忍~~~
個女的仲飛起, 不過影5倒, 太快了..

跟住個女的不留情的還手!!! .....etc
很逼真吧~
呢d花槍......

***************
而阿大導對暴力事件視就而不見, 望住d草,
話佢呢個角度好,...

究竟... 呢堆草點好呢?

我無佢咁高, feel 唔倒 車來了~~ 出發 ^o^
沿路見到好多行山人, 好健康丫~o係停車場泊好車,
要行10mins 先去到...
book 左呢間素食館...,

沿一條大直路行入去,

右邊係水塘, 左邊係一遍貓棒田..

一路都見倒好多蝴蝶...

但原來蝴蝶係好難影..

尤其一路行一路影...
終於去到了

聽聞豆槳好出名, 鹽焗雞好出名~ 窩素翅出奇地好味, 好香~

da da da da~~~

馳名古法鹽焗雞...(需預訂)

奇怪吧.. 素食館食葷....

要post 多張, 呢隻雞實在太太太好味,

口感不同一般鹽焗雞..
尤其層皮, ...

...

罪過罪過..

仲叫左個炸大腸, 都唔係齋黎架!

真係腸.........

羅漢齋上素

有d 食送 無影到, 一上枱就掛住食..

你地知我為食架la... ;p
***

.

嘩.. 筷子開瓶~ 勁!

呢支葡x汽酒黎.....
嘖嘖嘖.. 我地又肉又酒...

食到飽飽飽

走既時候, 見到有個阿伯爬係路邊好耐,

唔知搞乜..

跟住就去行棚屋

原來同唔同既人一齊影相既mood 都唔一樣..

尤其今次有xx... 鴨仔!! 我地6月4日去既時候見到佢地造緊呢條'路',

仲未搞掂丫!!

上次見佢的樣子 請按此

DIY 搖搖櫈, 勁勁勁!

其實呢對夫婦好恩愛,

睇下佢地, 幾sweet sweet...

o係d石la度見到黑骨芒.

未有3個細路前我都有種過,

我好中意d葉架, 一個個心咁既樣..

動物類:

賊仔呀!!! 睇下佢個口!!!

不過佢好慘, 無左1隻腳掌...

另一隻..

今次大澳無上次咁熱,

都見到有貓貓,

佢勁嗲精,

不過一見主人回來立刻搖頭擺尾咁跟主人番入舖..

呢隻黑貓好快閃左, 影得二張鬆郁矇..

行到三時許, 回程渡假屋執野, 跟住還車還屋回程..

出到中環已近六時,

是次旅行圓滿結束

******

太掛住三個小朋友又太倦...

痛下決定唔入宮食小乳豬..

之但係第二日睇番d相又後悔........