再見我的2009

上年, 好想寫我的2008,
因為發生左好野, 包括xx去澳門做野..
心情大起大落... 千言萬語, 寫極都寫5完
最後無post到-.-''
今年, 我既2009, 大大鑊la!!
意外多左隻小牛女..
雖然痕有小朋友, 但從來無諗過真係有...
從此, 呢舊野纏上心頭..
多多一個令我牽掛萬分.. 放唔低既心頭肉..
生活與生命多左d轉變..
但都開心迎接每一樣既變化~~
希望來年2010..
一切平平安安, 事事順利..
祝大家新年快樂~~

c9生活

日日偷時間做家務,

Ally 日頭訓得5lum.. 通常訓左5-10mins就會醒..

成日訓埋d蚊滋覺..

除非抱住佢訓... 但抱住佢又乜都做5倒..

熨5件恤衫+一炸紗巾居然分左4段時間做!

扁嘴

終於影到la!!

Ally 扁嘴個樣~

佢出世第四日番屋企果日已經識得扁嘴

佢日日想喊之前都會望住你扁嘴, 跟住就喊~

但次次都影5倒>.<

今日剛剛好相機在手, haha

(勾)小背心-製作中

25號開始勾件小背心比Ally~

唔豬幾時先完倒工呢?

好想臨訓前果段時間勾..

但丫囡要間房全黑先訓得lum..

未生前晚晚開住床頭燈時書既日子無了~~~

Ally第一年的聖誕禮物

日日忙換片餵奶,

好似好多野做..

無乜時間上倒網..
影影埋埋好多相都無機會寫blog..

要偷番d時間努力update!

***

今年係Ally 第一年過聖誕~~

身為媽媽既我織左頂小帽子比怕凍既囡囡

(部機format左未裝番cs, d相無得執1執)

呢隻豬豬訓得幾lum..

爸爸就訂左張high chair 比Ally,

訂左大半個月好好彩趕得切今晚平安夜7pm 送到黎

有得平躺(可for 初生兒)有得搖~
比佢可以周圍碌o係我地附近望到我地

有得坐la!! 爸爸問Ally中5中意 今晚Yo姨o係度,
可以幫我地影全家福呢~~^^

我的HelloKitty~~

My Hello Kitty~~

heheheheeeee~~

學應人

Ally 呢幾日有人同佢講野佢會好專心望住你個咀,
條'月利'仔伸下伸下咁想應人..
xx話佢sunday nite 抱住佢講野時佢用喉嚨發d好輕微既音應佢tim!!
丫囡囡你邊日開始會EEurur應媽媽呢? 期待ing~~
*
ps. 我知Ally 係我個女.. 我好錫好錫佢~~ 但我仲未慣'媽媽'呢個稱號...

Hello Kitty 勾~ (完成圖)

mo-lui圖一張 :p

公仔麵

Ally 個post 好似公仔麵個logo丫, kaka

Hello Kitty 勾~

好開心丫!!

今晚o係九龍城搵到我搵左超耐既HelloKitty bb車勾~

橫掂都係, 買多對被夾~~

連菲菲佢地送既奶咀b被夾,

依家被夾有2對lu~~

2對都好中意~~ 一張被可5可以夾曬4邊~~ haha

太古城

12月8日, 第一次帶囡囡過海去我好中意去既太古城行街街~~

囡囡既公公婆婆送左一炸衫仔比孫孫~~ (d衫仔係婆婆+mama揀架!!)

由中午行到夜晚,
都有d累(帶住丫囡有d緊張... 要行多d練習下!!)

但超happy~~ hehe

妳的名字

諗左好耐,

丫囡終於決定叫'李婥琛, Ally'~

xx中意個心字,

但係佢search又話屬牛5可以要d有內臟既字,

唯有揀其同音..

婆婆抱住佢問爸爸話叫你琛琛好5好,

問3次丫囡笑左3次~

丫囡中意就用la

個'婥'字就取其意思..

風姿婥約, 婥同綽通..

用女字邊女仔d~

*

Ring幫我夾左佢5行, 比左一炸字我,

仲話埋比我知佢需要d咩, 筆畫多少,

雖然最終無用到佢d字,

但係筆畫夾, 五行夾就ok了

*

ps. 其實我中意'嫣/星弦/心弦/絃'

但係唔arm用.. 嗚..

xx加埋女女英文名落去~~囉出世紙果日, 乘乘機機行埋沙田IKEA,

雖然果日未裝修好又走馬看花+衝衝忙忙..

但係好耐無行街..

行1行簡直精神爽利心情愉快~~

我的蠶寶寶

今日婆婆同Ally 影相相

盪鞦韆

Ally 盪盪下訓左~~

夜奶

Ally 連續三晚飲完01:xx果餐奶可以訓到第二朝05:30-45先再要食..
努力丫阿囡~
ps. 佢開始會用眼追聲音既來源..

李府彌月

囡囡18號滿月la!!

21 Nov 晚, 兩家親戚食滿月飯..

純係親戚共六圍..

無請朋友.. 唔搞佢地lu..

(見到條bb包被嗎? 好靚丫我好中意!!

又紅噹噹好arm用!! Ally多謝3個靚姐姐丫丫!!)

咁又一晚~

唔爭氣

對於自己身體康復情況既進度實在幾氣'囡'..
唔係呢度有問題就係果度有問題..
真麻煩..
幾時先搞得掂..
我要身體健康呀!!

釋放人質全記錄

10月16號, 晨早4點幾再次見紅,

等到天光6點幾,
叫醒xx同佢講我想入院,
佢拿拿林梳洗..

陪我落樓下食個豐富早餐.. (佢就太早食唔落)
打的去威記.. xx一路都覺得呢個係預習only…
去到威記, 登記完,

叫xx番工先, 因為佢有會要開..
佢臨走之前係咁拍我膊頭,

叫我唔洗緊張, 唔洗驚.. 放鬆d..
原本心情really 好掛曬(勇)字上心口既我比佢'安慰'完反而仲緊張左..
入房磅重量血壓按肚驗小便問完一乍問題後,
比埋套'e院服'我換..

入房配給一張床..
訓上床, 姑娘就綑2舊測胎跳+測宮縮既野o係我肚皮,
測半粒鍾唔准郁..
我一左一右既'鄰居' 都綑住呢舊野.. 佢地都好似好痛..
不停輾轉反側.. 痛苦呻吟..
我無事無幹咁好想問有無d咩幫倒佢..
測完.. 等痛.. (原來已經痛緊.. d較微類似m痛既陰陰痛就係la wor.. @@'')
勁百無聊賴..玩手機d白痴遊戲
見對面床有雜誌睇(面皮薄又唔敢借)
斜對面位太太帶埋毛冷係度織織織 (好度假feel~~ 好羨慕.. 後悔我無帶)
陌生地方+心情緊張訓又訓唔倒..
挨到中午先決定打長途比媽咪
(媽咪跟爸爸上左廣州公幹.. 奶奶去左旅行)
原本諗住生得先通知佢..

(但係入左院唔比佢知好衰咁)

費事佢緊張趕落黎我又未生得比e院趕番出黎..
點知一打比媽咪.. 一聽到佢把聲..
唔知點解我d眼淚就忍唔住吧吧聲咁流..

唯有扮電話收唔清..
深呼吸一輪先再打比佢..
媽咪果然話即刻番hk, 我話唔洗, 都未痛, 見紅之嘛,
可能轉頭出院, 叫佢第二日先落黎..
12:30pm. 終於派聞名已久既e院午飯
比傳聞+想像好味~~

食完飯, 同小暉傾電話 (佢一個月前都o係威記生完)
問佢陣痛究竟係點....
原來好唔舒服陰陰痛果d已經係黎wor..

但姑娘話3-4min/痛先通知佢地..
又百無聊賴咁發呆..
覺得自己好似等去屠場湯既豬..
4點幾醫生房, 話我只係見紅,

陣痛未強烈可以聽日出院~
再見紅/穿水先再入院.. (下!!)
陣痛O係呢幾個鐘開始有規律及明顯 (約10-15min/per) (未達標…)
到5點半探病時間xx到左佢比佢部手機我上facebook~
又買左麥當當我食同雜誌我睇..
仲有葡萄適我飲.. 陪我mark時間..

一路痛..
過左探病時間佢番屋企先,
xx話如果穿水無論幾點都打比佢…
夜晚11點, 飲完葡萄適d氣頂住唔舒服.. 入廁所嘔..
跟住番上床典~~
痛到半夜.. 在半睡半醒之間.. 唔夠半個鐘
2點半.. 突然感覺一股暖流不自控咁湧出..
立即清醒.. 入toilet double check, 去同姑娘講穿水..
姑娘仲問我d水係點, 會5會係瀨尿-_-'''
我話當然唔會係la!! 個feel都5同..!!
過半個鐘, 姑娘過黎同我check開左幾多度..
原來check既過程非常唔好受..
咁難受先開得一度.. 姑娘話要3度先可以落產房..
嗚.. 又繼續痛.. 繼續等..
我開始有幻覺..

去廁所果時見到地下Souffle 訓左o係對面床(背影同條尾d毛)
望真d原來係光暗陰影......
既然得一度, 等多1個鐘,
到凌晨3點半, 先打比xx話佢知穿水..
佢立即換衫打的出黎..
xx門外我門內等… 又等到早上e生房
又check我開左幾多度..
都係一度多d.. 無野做, 都係等..
眼見前後左右d準媽媽一個二個都開到達標/過曬期塞催生藥落產房催生..
不知幾羨慕..
個人因為訓5好, 好累..又痛.. 訓又訓5倒…
不停諗, 好想一切都無發生過, 好想番屋企攤o係梳化訓覺~~
呢日e院既早午晚三餐我都無胃口食..
d陣痛又唔掙氣, 黎黎去去都係6-10min先痛一次(每次痛30sec倒)..
我又唔想呃姑娘有3-4min痛,…
間唔中烏住個肚出走廊同xx坐下..
但都無心機… 無咩同佢講倒..
淨係同佢講'痛'…
佢答我'我知......'
d陣痛一到就用力握住佢隻手…
捱到下午5點半又到探病時間..
daddy媽咪同d妹都黎探我..
左手握住媽咪, 右手握住xx.. 一痛就用力手握落xx度… ;p
又再等…
探病時間過左, 見xx謝曬..
叫佢去99屋企食飯沖涼眠1眠先再番黎.. (99住附近)
佢11點又番到醫院
半晚2點同姑娘講我穿左水24個鐘
(正常穿左水24個鐘要生架la!! 驚感染!!)
2個姑娘再幫我check, 成日先開得2度多d..
叫我努力.. 如果發現有綠色水(胎糞)流出就要即刻通知佢地..
又眼光光過一晚.. 行倒就出去搵下xx…
同d隔離床傾計..

佢地話落到產房就係天堂~~

可以打止痛針+聞笑氣~
可以眠1眠~~ (佢地幾個都第2/3胎)
呢晚d人個個都叫救命..
有一個半小時前check開得2度, 轉頭就生左個頭出黎,
要緊急送落產房~~
夜半去廁所, 又有幻覺..
有一眼彷似見到Nermal個背影企o係隔離床張檯..
望真d原來係熱水壺..
好掛住佢地3個…
到星期日.. 穿水30個鐘.. 姑娘話產房有位就送我落去
但一有位就送d緊急既落去先.. (產房得7間)
又等到中午, 99黎探我..
姑娘話有位, 叫我快d收拾好野送我落去~~
12點半~~ 換衫~~ 拿拿林仆上果架手術床訓好~~
終於可以上9樓產房~~

入左產房~~ 助產士係1對1既..
又問你叫乜名, check幾多度, 量血壓, 尿喉
打吊鹽水果支針入手背..
比笑氣我聞
痴舊測宮縮既野上肚皮
無乜恐懼既感覺..
淨係想快d快d搞掂生出黎
擔心穿左胎水咁耐bb會5會受感染
我d宮縮呢日已經慢左..
15-20min先痛一次.. 仲痛到有d麻木..
落左d催生藥o係鹽水度
訓o係張生仔床等頸再開..
要求打埋支止痛針..
終於可以訓下醒下咁等4個半鐘..
其間聽住隔離房已經有3個產婦生ed..
5點鐘, 助產士再check, 都係開得6度..
話要call 醫生黎睇睇~~
好la!! 等醫生黎, 又等3個半成4個鐘..
望住窗外個天由光至暗到黑..
醫生終於黎, check完一輪話要開刀,
用佢地電話打比產房門口等既xx通知佢..
(原來媽咪daddy一路陪住xx等, 媽咪一聽到我要開刀佢幾乎喊左出黎)

(老4, mami, xx, photo take by daddy)

聽麻醉師講解風險.. 再簽曬d文件,
晚上九點幾~~
又轉床, 推去手術室..
經過門口, 見媽咪同xx一眼…
佢地叫我唔洗驚.. 摸下我塊面..
我就被送入2號房手術室~~
手術室張手術床好窄..
上左去,綑好我個身
姑娘叫我儘量大脾貼肚腩.. 下巴貼心口~~ 突條骨出黎..
要打麻醉針入背脊骨膜麻醉針間做半身麻醉~~
老細丫!! 陣痛ing個肚又咁大點曲個人丫!!
屎屈個人一舊…高難度動作…好辛苦
打支細麻醉針先, 再打果支入骨膜既麻醉針
無想像中咁痛..
再左右兩邊伸直手綑住我
過一陣, 個麻醉師用一舊冰'凍'我肩膞,
問我feel 5 feel到凍..
再'凍'我肚, 大脾, 腳…etc
confirm我feel 5倒…
就放塊布o係我面前擋住…
唔知係麻醉藥既反應… 定係我既恐懼..
對手不自控咁狂震…
由2個超後生既女醫生開刀..
唔夠1分鐘其中一個女醫生突然出現o係布擋上問我:你感5感覺到界果刀?
我搖頭.. 佢就消失繼續…
過左陣…(好似好耐, 又好似只係一陣)
聽見佢地講1011…
再過多陣.. 聽見哇哇哇, 佢地就話1014..
呼~~……. 咁我個女就出左世la~~
o係果時, 無特別感覺..
依家諗番, 果一刻其實都好滾動~~
又過一陣.. 姑娘抱住丫囡過黎,
無必答題.. 直接喺我面前掀開張包布比我睇,
同我講呢個係你女女,
大脾有個印..
又話媽媽辛苦la..叫我囡囡錫啖我(即係叫我錫啖佢)
見佢塊面仔抹完都仲有dd血..
有少少尤疑咁錫左佢第一啖額頭仔~~
跟住佢地帶佢去沖1沖涼, 再帶比xx睇..

我就縫針.. 再推我去休息室觀察..
其間輸左1包血比我…..
半個鐘後, 佢地放丫囡入我懷..
推我落8樓婦產房..
出去搭lift, 見到xx同mami,
佢地陪我(張床) 搭lift..
知我訓幾號床(no.8)我叫佢地走先..
打止痛針.. 終於可以昏迷訓一陣..

第二朝, check我血色素都係低..

要再輸多一包血比我...

(吊鹽水入口)19號早上7點鐘, 佢地推丫囡黎比我
(我用手機影既第一相)

試下餵5餵倒佢
(未能落床, 佢地抱丫囡比我..餵完又抱走)夜晚, 屋企人黎只可以隔玻璃睇佢
第一張全家福

20號, 日幾大既丫囡

昏睡一日, 每隔2個鐘就有人幫我量血壓.. 測血色素
日間姑娘問我起5起倒身…
我話未得, 佢地話咁你訓多晚la..
夜間姑娘一走埋黎就話我做乜唔肯起身試落床…
我唔理.. 乜喉都拆點落床..

再多一日, 朝早試落床.. 早午周圍行.. 夜晚要湊丫囡了..

仲有, 其間有d姑娘要我補奶.. 有d又話5洗
個個都有自己一套, 都好令人無所適從..
我又支力到無力.. 佢地話點就點..
最最最肉赤既就係丫囡住院果幾日間5中全身震.. 連個頭仔都震埋..
初頭5知咩事, 問姑娘, 姑娘都5知..
又入暖箱觀察, 又等e生check..
最後發現原來係丫囡好怕凍..
e院d衫仔硬曬唔保暖..
佢係凍到震丫… 好赤

原本3日就出得院..
但因為丫囡黃..
要觀察多日, 22號黃昏先出倒院

***

後記:

xx經過多日既勞累…
生完之後果幾日晚晚放工探完我地後番屋企裝床仔.. 大掃除..
佢o係我地出院果日病ed.. 喉嚨發炎…
頭三晚佢訓廳..
我就同丫囡訓房..
第一晚我驚聽唔倒丫囡喊..
唔敢平訓..
成晚坐o係度訓..
第二朝醍果下對膞頭痛到唔係自己既咁…
日頭媽咪同99黎幫手,
初初未適應, 超緊張..
情緒moun得好緊..
直至xx病好左, 一切又慢慢習慣..
先放鬆左d..
最後多謝夏小姐..
入院生b我最牽掛既就係facebook裏我間餐廳煮落既菜..
佢果幾日幫我又煮又收, 仲增埋爐頭..
生意額非常好, 多謝曬丫 ^3^

近況

早幾日又入院住一晚再出院黎..
尋晚又黎一劑..
(呢樣遲d先寫)
篇生女記終於寫到做手術果度,
就快大功告成..
果3日有d時空人物我記憶模糊..
要反覆同xx, mami求証d內容..
我希望可以寫詳細d..
留作一個回憶記念
丫囡今日塊面仔出左d粒粒(胎熱)
希望到禮拜日d姐姐ee黎既時候退曬la..
佢好似長左好多..
依家52cm…
遺憾出世果時無度佢幾長..
眼仔唔再迷迷糊糊無焦點,
同佢講野佢會望住你~
肚餓就扁嘴..
食飽飽就笑
名就仲諗緊..
人仔大得好快~~
日日對住都覺得佢唔同~~
珍惜ing佢每一個轉變

2009果皮

囡囡2009出世,

公公婆婆話要整果皮比孫孫,
第時囡囡大個, 比佢做紀念&嫁妝~~

囡囡出世第二日一大清早佢地就去買新會柑,

番屋企逐個洗淨拆肉穿起上天台吹

armarm好有北風風乾,

婆婆9號手提送黎我屋企拆繩入盒(辛苦媽咪la..)

呢盒老油雞架~

佢囝囝Cedric都係2009 bb~~

一盒老油雞, 一盒我既, 另一盒3年後諗住同老油雞藏茶用

藍色果2盒係囡囡.. 唔關我樹

今年只能幫手穿..

整上癮~~出年我想再整一批~~

自拍照

每朝xx番工後,

餵完奶我會放佢o係我地張床一齊眠1眠~~

不過我日日都眠5倒..

淨係痴痴地望住丫囡~

呢日見佢頭仔向住我..

諗住自拍張母女對望la~~

點知影果下丫囡armarm笑~~

呢張相我好中意丫!!

仲做埋wallpaper~~

xx夜晚番黎見倒妒忌到不得了, 哈哈!!

十二朝

唔經唔覺丫囡今日十二朝la!!
今朝同xx同丫囡去健康院磅重..
媽咪就o係屋企幫我整定d食物.
全日D阿e/e丈媽咪d friend 親朋戚友上黎食雞酒薑醋
日日夜夜對住丫囡d時間都好似唔夠用..
不停換片餵奶d時間過得飛快..
丫囡日日唔同樣, 一日一日長大
仲寫ing生仔全紀錄要比d時間我... 寫極都未寫完...-.-‘’
丫囡又喊la… 要收筆…tmr 繼續寫

<薑醋>

<雞酒>
<十二日大既丫囡>

又黎?

15mins前去toilet又見到'徵兆'... 今次個肚有d酸tim...
好想當唔知, 上番床繼續訓..
訓唔番.. 又出番黎上下網...
丫囡... 你係咪要出黎la?!
係就快la, 你老豆今個week係short week 丫!!!
再有'徵兆', 就要叫醒xx陪我入院la!!
好緊張好緊張~~
都係扮無事番上床訓下tim...
***
弊la!! 3間餐廳都煮落菜, d菜仲未起得tim!!!
(假如...假如萬一我中午入左院, 陣痛ing.. 打比人叫人幫我收菜會5會好變態?!)

ps. 好彩前日食左KFC~~

等待心情

早2日出現左又好快消失既徵兆後..
依家每一日都緊張又期待..
仲有d驚.. 唔知幾時再出現d徵兆..
今日已經38w2d...隨時生得..
一切really好... 淨係等丫囡幾時出黎見呢個世界...
成個挾持人質既時段好快就會過去..
身在其中感覺好漫長..
但當面臨完結又覺得過得好快~
可能我呢一生如再無'意外'既話就只會經歷呢一次既懷孕期..
呢個懷孕期發生左好多變動,
都無驚無險過去了..
最最感激我父母..
無微不至的照顧我..
佢地仲開心過我..
媽咪幫我洗曬曬'太陽'消毒曬熨曬挑曬d頸位招紙bb衫..
一份份分好入袋..
覺得我需要d咩就幫買埋車埋..
周圍再探聽有乜可以幫我進補調理
爸爸知我長途車易唔舒服番半日工就多數車埋我番屋企..
好多細微既野好窩心我會銘在心..
xx亦都變左dd,
講唔出佢點變.. 感覺佢思想唔同左...
佢依然嘴jell jell成日話我點佢做野..
但佢次次都無托手琤事事辦妥(大大小小)
(不過我都係做唔到先叫佢做架乍~ :p)
尋日同佘姨姨+mami lunch 佘姨姨話發夢我生左..
佢開心到醒左..
然後上埋我屋企話摸熟架步到時黎幫手..
聽落都好受用 ;p
丫囡丫囡~~
你未出世已經咁多人寵你錫你
你要乖乖的順順利利的出黎丫..
仲有.. 仲有12日就到預產期..
等我好好享受埋呢段同丫囡o係我肚內血脈相連心跳同步既美好時光

。。。疑似

好似有少少徵兆..
但我又唔sure呢dd係咪徵兆...
轉頭又無左...
觀察多陣先..
擔心ing.
訓5番.. 上下網先...

ps. 我掛住我間餐廳d菜仲未煮好丫...

pps. d徵兆消失左.... 未係時候瓜... 08:00 & 11:00

我的'大肚腩'

仲有2個禮拜生得既我居然仲有人誤會我個肚係肚腩... T_T
事源.... 上星期六晚去左大埔食飯..
同埋有個好耐無見既姻親食左成晚飯..
臨走講開呢排點點點... 我媽咪講開跟住會好忙...
因為我仲有2個我禮拜就生架la~~
佢地好大反應咁'嗄!!!' 跟住恭喜我+我丫媽..
再話唔好意思, 無留意倒..
只係以為我肥左dd...
...
無言-.-.. (可能我果晚件衫夠鬆瓜..)
xxo係現場.. 笑到佢屎屎下...

口水巾

今日再收一批新口水巾...

不過仲未齊架, 仲有紫色既未買..

會5會變態左dd ;p

無聊記事

因為樓下裝修既關係~
尋日我又一早出左街~
搵爸爸再去太古城行街..
基本上差5多個個星期都走去打個轉..
(我超中意行太古城)
***

自從上星期行太古城間H&M見到有HelloKitty既bb衫賣..

今次又再心思思入左去..敗

乞人憎.. 又要我一袋二袋咁走.. 討厭...

***

上week買左個手提吸塵機..

方便好多, 一見有塵就拎起吸

跟住即刻倒埋~ 正!

我屋企原本果個係水濾... 非常好用,

但麻煩呢, 要次次洗...

依家可以間住用

或者等xx o係屋企先用

***

今次老二+三送左盒巨野我個b..

好靚, 超中意~ 多謝曬

再買埋d鎖鎖碎碎既野

應該行完今次可以忍一排先再去行了~

***

之後去旺角..

食左串想食好好好耐既牛肚..

再食埋朱古力雪糕窩夫..

極滿足~

***

夜晚~ 丫囡o係肚碌得好勁, 撐得好行..

叫xx放隻手上肚皮感受下..

一放手上去丫囡郁得仲勁~

好似要同老豆玩咁~

xx話覺得郁得有d hung怖,

但佢都按到丫囡唔郁為止.. hehe

***

咁既放肆適意日子仲有幾多日呢?

腰酸

終於~~~ 覺得腰酸..
仲有僵直..
做少少野條腰都覺得硬...

BB蕉

尋晚去左Sana屋企個天台BB蕉..
Sana又大個左dd..
佢d反應又多左..好可愛丫 ^o^
吹住微微涼風~~
放肆地食左好多野. (基本上我其實日日都好放肆 ;p)
無數隻雞中翼(香茅/南乳/鹽焗/蒜蓉..etc)
好多罐汽水...
捧腹大笑左好多次..
好正丫! 今日仲回味中~~
但我覺得我開始比較論盡..
水腫嚴重左
超易攰..
個肚好易抽緊..
仲有預計2-3weeks 既自由自在既日子
都係要乖乖的, 深閏d...
唔好用盡d quota..

***

另...
妖夾頂!!
開始放產假,
樓下日日鑽牆dup野拆野
鬼c咁勤力, 由朝嘈到晚~
真係令到我成日暴燥不安..
好易猛...
不過, 另一角度可以諗依家日日嘈左,
遲少少丫囡出世果時樓下已鑽完嘈完..
會好過到時先嘈..
但係我依家都係好憎d聲丫!!!

ps. 咪la.. 聽日都係出街避1避吧la!!

容忍係有限度的!!

是可忍，孰不可忍
唔諗去cwb/九龍城買蟹..
o係屋企附近d百佳華潤都見到五豐行d蟹櫃都忍得住..
做乜樓下間意大利餐廳門口都擺個太湖蟹櫃出黎架!?
關咩事呀? 驚我唔屎丫?
唔好比我見到咁多大閘蟹得5得丫... -.-''

倒數一個月

走佬袋執好架la!!
(一執好走佬袋果晚就發夢生左 -.-'')
一個月後既今日,
就係預計釋放人質既日子啦!!
仲有30日.. 好似好快咁...
其實到呢一刻依然未係好真實..
一日未見到個'實體'感覺依然飄渺..
(雖然成日隔住個肚皮已經見佢彈彈彈...)
我十分享受佢o係我肚內既日子..
feel到佢每一下動作都好開心~~
星期初既時候突然有1.5日明顯感覺佢郁少左, 無10次
(e生話12個鐘最少要郁十次, 如果無, 要入急症check.)
果日好擔心.. 中午已經諗住即book 私家照丫, 一還是入急症..
好彩午後突然又郁得多番.. 嚇c禾
依家d日子過得越黎越快..
做女王既日子好快就要過去la..
等... 期待見到你.. 又唔想你咁快出黎..
忐忑ing..

叉燒

發神經, 焗叉燒~

今次買左梅頭唔夠肥,

下次要買腩梅焗

心急, 麥牙糖上得唔夠多

今次一般般

要再試~ hehe

我的曼聯bb女

上年xxo係澳門做野,

去行曼聯專門店,

無諗過會有小朋友/bb既我,

已經好想買果d bb 包被, bb衫仔, 口水巾..etc 黎收藏..

當時, 比xx制止左...

依家有用la!! 不過粗身大細,

又無時間過去買..

(一早比我買咪好lor!!!)

早陣子菲葆媽過過去,

拿拿林托佢買,

但原來無紅色得白色, 我尤疑白色易污糟.. 放棄了..

(thx 菲菲丫 ^3^)

***

怎料, 鄭氏伉儷之後過去帶左呢set 番黎比人質做禮物~

我始終都係擁有了佢 ;p

多謝鄭生鄭太丫!!! ^3^

遲d我要去買埋d衫仔, 口水巾, 床單, 毛巾...etc