驗妊娠糖尿

今日一早空腹去左健康院~
抽一次血, 飲左杯好甜好好味既糖水~(我真係覺得好味)
o係果度呆坐2個鐘,
再抽多次血,
驗有無妊娠糖尿
好彩老四陪我去呆坐~~
有得傾下計, d時間易過好多..
不過我就好失禮..
之前咳睇黃ec飲完中藥好左dd無咳得咁勁,
見呢幾日廁所不順,
咁就臨訓前食左2隻蕉…
嘩, 半夜開始又咳爆!
去到健康院d糖水痴住喉嚨又勁咳~
戴住口罩都唔好意思~
真係咳到係人都怕左我.
成日要忍住唔好下下咳, 咳得多又抽住個肚..
醜怪ing..

result 無樹無幹就要8月21日再番健康院先知
萬一有樹幹就呢幾日打比我~
希望無電話收la~~
加油

隱型戒指

我脫下了7年來從不離手的婚戒...
***
聽過曾生曾太講,
上年年底佢地生bb既時候, o係e院見另一個產婦入產房之前,
因為除5到戒指, 要剪左佢(金屬)
所以我每一個禮拜都會扭下隻戒指
27/28週發現轉動有dd困難,
唔知係手指腫定全身水腫,
唔捨得為安全都除低佢先~~
我諗起碼年底先可以戴番.
依家手指有個戒指凹位,
好似戴住隱型戒指, 怪有趣的, 哈哈