天寒地凍之貓暖墊

http://www.hko.gov.hk/wxinfo/ts/indexc.htm

下午2點屋企果頭都係得果8.1-2度..

唔豬我班賊仔喺屋企凍5凍呢?

今朝好似唔記得熄張和暖墊.....

搭村車時已經想跳車番屋企 >.<''

但我已經遲到無時間比我..

捱到10:00即刻打比樓下間Q-pets 問張墊可5可以開咁耐..

諗住如果唔得就請下午假番屋企la要..

果個sales 話連開幾日都無問題 (呼~~~~~)

間中熄1熄比張墊抖1抖就可以了..

嚇c我.. 我會精神衰弱架

msn 話番比xx知佢答'good for nermal'..

希望佢地日頭都識痴住張墊...

ps. ..... !! 依家屋企果頭得7.9度 @15:40..

一路跌 @@

天寒地凍食乜好?

天氣實在太凍,
要煲d暖肚..

星期六xx話想飲雞湯..

用電子瓦撐'aro'左個雞湯出黎,

一人得一碗多dddd咋

但係飲完好暖呢

星期日又玩煮飯仔~~
今次煮粟子炆雞~~~~翼..

煲左粉葛赤小豆..
今晚仲有得飲, hehe

記得以前細細個
天氣凍媽咪會燉dxx(好似當歸但唔確定)羊肉我地飲,
一燉親就成間屋都好香
細細碗但飲完會好暖好暖
係呀細個果時我食羊架,
但唔記得那時開始突然唔食..

妖!!

新極限

由今日開始要過16.5個秋...............

和暖墊

今日落X-pets 拎貓糧,

又手多多摸下呢塊電墊.. 原價$598, 特價$50x..

但人果d都係咁既價錢..

好似太貴了~~

已經諗左2日買5買比超級怕凍的Nermal..

sales 見我摸, 話比我知呢塊墊依家半價~ $299

正!

即刻帶佢番屋企~

三位檢察官驗貨中..

有28C同38C,

38度果邊暖暖地, 28度果邊廢既~
真開心Nermal 真係好中意,
自動波坐上去唔再郁..
就算抹地關左電源,
佢都要坐住 -_-'''
電又唔勁, 35w 乍.. 諗得過架!
嘿嘿~

冷得我騰.騰.震丫~~

好凍丫~~
夜晚開左暖爐都係好好好凍..
著左好多衫都由個心度寒出黎~~
夏天就望冬天,
冬天又掛住夏天..

我芝芳雖然係多, 但可惜全部疏隙.. 完全保唔暖.... >.<''
ps. yeah~ ^o^ 今晚xx回來 ^O^

哇哈~ 尋日個lunch..

我至愛既蘿蔔糕呀~~ 賣飛佛!!

落永安見到'八珍'擺檔, 拿拿林摟一盒番屋企!!

好味到呢~~

(年年八珍要早成個月去訂,

又要指定邊日要拎,

但佢d糕真係好好味bor又)

雖然蘿蔔糕1年4季要食既話都有得食,

但係新年果d 特別特別好好好味

短期目標

今年年尾, 好想黎一個大掃除..
好好收拾一下
dum dd野.. 換dd野.. 買dd野..
夠5夠時間我做呢? 嘻嘻..

Hello Kitty 迷你八達通卡

救命丫!! 紫色HelloKitty迷你八達通丫!!

我其實已經有首創版迷你八達通了~~

連之前正正常常果張呢2張都有登記易賞$..

又再開多張好5呢?
...又敗家? 一張定兩張好呢?

lunch 後...

wow~~~ 實在太靚了~~~

嘻嘻~ ^+++^

萬變心情

昨晚還在愁..
剛剛過完10.5個秋天..
緊接着是15個秋天..
很難捱丫.. 何時才能習慣呢~
怎知, xx 今午lunch 告訴我今晚回來
因為明天要到粉嶺睇料.. 睇完才再回去~
YEAH~!!!!!
今晚又能見到xx了.. 哈哈哈哈哈

有貓歡喜有貓愁

呢兩日xx唔o係屋企..

Souffle 變得悶悶不樂..
平時每一晚番屋企3隻豬仔一定衝埋黎俟身俟勢反肚din歡迎我地..
尋晚Souffle 一番常態,
遠遠趴o係地下眼超超嘴扁扁反曬耳咁望住我
叫佢佢對耳仔郁1郁唔過黎..
(平時叫佢一定過黎架~)
一時沒精打彩.. 一時嬲爆爆咁..
佢一定好掛住佢老豆...
夜dd, 佢走埋黎嗲我.. 用頭用頸屎卒爛卒我隻手..
我當然即刻奉上'R'頸服務..
佢就坐o係我大肶'咕嚕咕嚕'..
然後去避寒中心'坐..
出奇地, 兩晚都無 '舌累' 玩棒棒..
xx o係屋企佢就無時無刻都 '舌累' 住佢要玩...

陰公豬lor..

********
至於Hazel 就大解放..
心情非常靚成日行黎又行去..
又同我講下野~~~
唔知點解由細到大佢都好驚xx..
xx一同佢講野會即撇..
好明顯佢心情靚靚..
我老豆阿媽上黎都勁主動招呼佢地..

********
Nermal 就.... 萬事不理
呢2日凍凍佢成日坐o係d暖既野度..
呢埋樹窿裏
萬般不願行d磚地下..
佢超怕凍..
尤其xx唔o係屋企室溫好似額外跌左5度咁..
之前晚晚佢都訓xx大肶
我想.. 佢應該都好掛住xx的...

********

唔知聽日xx番來佢地有咩反應呢?

奇景

咕嘻嘻~~~

究竟係Hazel 痴住Souffle 訓還是 Souffle 痴住 Hazel 訓呢?

無論點, 見到咁既場面真係好安慰,

因為平時佢兩個唔多妥架~~

我嫌你時你嫌我

成日黎真既互摑~~

頂硬上

尋晚去完深灣飲,
番到屋企都12點半了..
先執果袋行裝..
跟住... 眼光光唔願訓..
唔想咁快到第二日丫..
唔想見到個天光
..
之前一路只係口講話點樣樣,
好遙遠.. 明明是咱家事也好似人地既事..
沒有想得太真實
但想像同現實原來真是有一段距離
今朝, 見到家裏一切妥妥當當..
食物碗滿... 貓砂乾乾淨淨..
廁所裏有熟悉的香味
真實感覺到才由今天開始..
鼻子像被人狠狠窩了一拳
針唔拮到肉唔知痛
呢支針拮左落黎了...

我學茶藝的日子

最近要搵野,

睇番舊相

無意間見到呢輯相...

果時學茶, 次次上堂都搞到大食會咁..

好懷念~~

老油雞& me,

HELENA))) 呢個Tina 大師姐就係o係你爸爸行山果輯相出現過果個!!

世界真係細 ^^

大合照~

無打格仔就細細張好了, 怕羞丫
老油雞' s XX 都係相內, 嘻~

扁面貓

Nermal睡覺中

'毛'處不在

xx不定期要拆開部腦吸'毛'.....

再見-主題曲

如果有日返到屋企你唔喺度 (如果有日返到屋企你唔見咗)
我坐喺度,開大套Hi Fi都無人投訴 (用幾耐廁所都無人哦我)
話我嘈，無人同我嘈　(我嘅生活鍾意點過就點過)
耳根清靜到想做乜都可以照做　(唔使睇你面色，我就係我)
但係補身嘅湯我自己又唔識煲　(但係每晚我加班遲返)
夜晚趕proposal就咁訓咗係度　(無人幫我留餸留飯)
無人為我鋪好個床鋪　(以前嫌你麻煩,嫌你野蠻)
聽朝早無咗你把聲又醒唔到　(但係無咗你喺我身邊，生活好多困難)

part of 野蠻奶奶大戰戈師奶主題曲

貓咬貓事件簿

衰妹發牙痕得咁緊要~~
條片係6月中拍架,
天氣熱就心火盛...

我唔記得'嘩' 果聲係我叫定Hazel 叫了

晚餐新嘗試之柚子沙律

呢排都非常多o係屋企玩煮飯仔..

星期一突然好想食烏冬

好誇張既兩碟雞翼唔同味架

一款鹽燒另一款係香草牛油...

枱面上有一半係lunch帶飯架..

預埋尋晚湊b無得煮既今日lunch...

xx仲讚我個烏冬煮得好味.. 哈哈

佢好少讚我架.. 平時煮得好5好佢都要食架..

買料時突然好想好想食柚子..
就好想當然咁'撈'左個汁,

完全斷估
拆好d柚子拌左汁灑d花生就算了..
好彩.. 個汁都估中九成.. 我只係轉左椰糖做蜜糖..
加少少麻油..
其它配料一切欠奉...

呢個receipe之後網上搵..下次依足試多次先

泰式柚子沙律

.

材料:蝦肉蟹肉（已烚熟）

西柚

椰青肉（烘乾）

蒜頭（炸香）

乾蔥

花生

金不換(=九層塔)

泰國芫茜(香菜)

.

汁料:

椰糖

青檸汁

魚露 　

.

做法:

1. 預備好所有材料、汁料，倒在大碗之中拌勻，再上碟即完成。

Last 1次

今晚, 同xx最後一次上Mother's Choice做義工..
之後, 就自己一個上去了
希望, 第時有機會同xx一齊再去..

OMG!!

元祖豆腐貓砂斷貨丫!!
.....
貓砂用到last 1包都無剩, 先大安旨意打去訂,
諗住加左價又周圍都有(至多貴d)唔洗咁趕..
點知我由賣最平既70.8打到去95大洋都無曬貨~~
間間都話代理缺貨, 最快要月中至月底先番貨..
屎la~~~ 日圓持續高企..
今水豆腐砂唔知會5會再加價.. 唉~~
依家考慮緊試OKARA / 優質環保豆腐砂..
巧煩~~~~

生命無常

呢篇野.. 已經5日前(3 Jan) 開左個頭段...
今日'的'起心肝埋埋個尾, post 埋出黎~

好唏噓..剛剛同黃則師傾完計..
佢話比我知佢隻狗狗28號走了..
11歲大, 早2個week 仲行得走得食得玩得..
忽然有一日放工番到去佢攤左係度..
夜晚帶佢落樓梯一落完趴係路中心喘氣行唔到,
下半身唔再郁得
果時已經11:xxpm, 立刻call 定spca黃sir車佢去睇醫生
(佢只知spca)
vet話佢已衰老,
d關節全部鬆曬, d肌肉已經軟曬..

留左狗狗係房, 佢地出左去傾,
當佢地係門外傾緊既時候..
聽見裏面一聲巨響..

立即入去見到狗狗由枱面跌左落地...
但哼都無哼出聲
聽到呢度好心痛
vet 話帶佢番屋企都要每日同佢做物理療,
每日同佢翻身, 抹身.. 餵佢食野...etc
一係打針
黃sir決定帶佢番屋企,
照顧左狗狗2個禮拜..
黃sir太太同黃sir 講不如送佢走,
見狗狗好辛苦..
28號, 就送左狗狗打針了.............................
...
...
...
佢講到鼻紅紅..
話唔會再養狗,
太傷心了...
佢話佢個7歲囡囡都喊..
但一日就己經唔記得..
佢就仲好傷心
我都唔知講咩好..
講咩都太遲
只好話狗狗安息的了..
o係佢屋企渡過幸褔的一生
...
...

黃sir好傷感話唔係好幸褔,
佢對狗狗唔係好好,
狗狗日日等佢放工,
見到佢都好熱情撲去佢度..
但佢話佢會避/say no
怕狗狗d口水太勁 (金毛尋回犬)
好偶而拍拍佢個頭佢已經快樂半天
依家後悔已太遲
想對佢好d都無機會了.......
...

寫到呢度,
突然好掛住屋企果3個賊仔
好想攬攬佢地..
雖然我屋企果d仲細..
但我間中都會諗下第時到佢地走應該點面對
時間比我想像中快左好多
話咁快就2歲半
好好好幸運就1x年
即係已過左幾多貓生呢?
呢一刻唔想諗
總之對佢地寵得就寵
我開始明白呢句說話既真義
..
..
...
除了貓,
仲要好好珍惜家人朋友
人生最難過就係睇住父母慢慢老去..
我有個朋友既爸爸上星期突然入了院
E生講過有心理準備..
希望uncle 大步x過無事

童夢

自無再聽收音機之後對於有咩新歌簡直脫脫脫曬節..
早陣子同xx打的既時候聽架的士播呢首歌覺得好好聽..
(我覺得好好聽既定義係第一次聽就已經巧滾動/毛管動)
番屋企上網一查已經係上年六月出的..
我改左做呢個blog 既歌了, 有空聽聽吧~

衛蘭：能有你　快活無可比
可把臂逛街　像遊盡天地
任何時候哪肯懷疑你
寧願不聽他人說是說非
光良：除了你　沒別人可比
只需愛到底　難道天妒忌
任何容貌條件都喜歡你
其實相愛沒因由量你也不記起
衛蘭：別要欺騙我
光良：流淚一滴亦已太多
衛蘭：重視我大可縱壞我
光良：已片刻難離
衛蘭：一公分可算多
合唱：其實我未想知道誰在愛得多
光良：願你相信我
衛蘭：明日怎樣無助
光良：我也可
衛蘭：如平日大幾倍愛護我
衛蘭：如果　花開竟不結果
光良：都不枉往日相處諧和
合唱：夢一同造過
衛蘭：別要欺騙我
光良：流淚一滴亦已太多
衛蘭：重視我大可縱壞我
光良：已片刻難離
衛蘭：一公分可算多
光良：其實我未想知道誰在愛得多
衛蘭：憑著已相愛過
衛蘭：明日怎樣無助　你也可
光良：(護花當然找我)
衛蘭：如平日大幾倍愛護我
光良：(想得太多)
衛蘭：如果　花開竟不結果
合唱：都不枉往日相處諧和
合唱：夢一同造過
衛蘭：還太快信任情不死
衛蘭：只想逛逛街衛蘭：遊盡天共地
光良：就如童話從開始多麼美
合唱：期望日出身邊那位
合唱：最後還是你

父子圖

Souffle 實在好中意痴住xx..

影呢張相果時佢其實訓緊架

仲有Nermal..

不過佢o係xx 'com'住果張被裏面...

至於Hazel.. 就o係樹'O'訓緊覺

海公公甜湯

南杏鴨梨燉川貝

xx呢排咳咳丫..

咳左2-3星期睇左2次E生都無咩好到..

我呢個賢妻當然要做番d野~~

走去燉左兩晚南杏鴨梨佢飲

(只可以鴨梨, 唔落得北杏, 再落適量冰糖..燉1個鐘 )

第二日lunch time 行落去佐敦裕華買埋川貝一齊燉

仲唔潤到佢入心入肺.

...

神奇地..

咳咳果然好似好好多了

繼續努力先.. 嘩哈哈

background

我本想1月1日又轉下個background架~
但係拖下拖下拖到今日先'的'起心肝.........
今日執緊1月1日既風景相,
希望今日夠時間貼la~

除夕夜

同xx都早收工,

入左大埔行街街, 諗住食韓燒..

但到達門前六時還未到..

就行去豬豬島..

行入supermarket已經改變主意~~

番屋企煎牛扒

呢塊牛扒巧掂丫~

入口即溶,

食牛扒我唔興落汁架!

灑幾粒靚靚海鹽已經好足夠~

配上一日前煲既金銀菜陳腎湯
好好好滿足

就咁, 就渡過了2007