文章
<<攝於30年前我的家>>
共你相識在童年 係你知心永不變 與你共渡多少快樂時 點只係知己咁簡單
共你天天都相見 伴你身邊永不變
與你共渡快樂時 天天都唔簡單
純真愛 刻心中永在
有苦惱困難 併肩相助
童年往事至今我未忘
願你都不變 互勵常互勉
共你相識在童年 係你知心永不變
與你共渡快樂時 天天都唔簡單
********
老友雞已經係1月6號正式同佢xx移歸澳洲la~~
我一路都好想寫篇關於佢走既blog..
但係一路都又忙又懶...
直至收到佢o係澳洲摷到呢張陳年舊照~~
都應該有三十年歷史lor~~
由2歲開始就識佢la~ (隔離鄰居)
以前果個年代鄰居關係係比較好的
(應該話我地兩家, 後來還有一家)
父母成日約埋一齊活動;
食飯丫, 郊遊丫, 打牌丫, 去旅行丫, 大掃除丫, 家族聚會丫...etc
連d親戚都又熟又認識的~
好多野都一齊進退
我daddy 仲幫過老友雞排小學申請 ( !! )
後來大家一齊讀了1間小學
***
歲月飛逝,
二十年前佢地決定舉家移民澳洲 (Aug 88)
我好記得好記得當年o係啟德送機佢地機的情況...
因有其它親戚... 匆匆的話別..
都是'記得寫信丫'..'擁抱' ....etc
.. 都唔知講咩
很快就走了.
出左玻璃門.
隔住玻璃回望.
眼淚不停的流,
我想, 這是人生第一次接觸的生離吧
***
<<攝於20年前移民farewell 飯@ 鏞記>>
***
又匆匆的過了數年..
佢xx 越洋娶了老友雞回港~
早幾日剛剛是他倆結婚十週年紀念啊!
(她xx's 祖母同我祖母是早年同事,
是住在我們隔離座)
***
(仲有張好靚架, 不過唔o係手)
***
老友雞回港後
我們又再慢慢回復當年'友'情
緣於學茶..
直至現在.
***
我一直也知道她最終會回澳洲回老家陪父母&生仔..
但一切比預期快了1-2年
08年年中澳洲有工請佢番去做,
且懷孕了
冥冥中注定佢地要回歸
一切也理所當然了
***
過去一年,
xx平日不在港,
怕我悶, 佢肩負起晚晚同我傾電話的角色
(雖然之前都係1-2日一長電+日間無數短電)
當xx完工回來, 佢卻剛剛好移民了..
但神奇地有另一個'老'朋友繼續!! ^^p)
***
今次佢飛,
我實在唔敢去送機.
由她無牽無掛的飛走吧
勁眼淺的我一定忍唔住眼鼻涕一齊流
無謂影響市容...
佢臨飛前打比我,
話上機la...
我剛剛在MC 門口落車.
講左幾句再見珍重到步報平安等等其實個心超唔捨得.
最尾有d說話要單字
講多2隻字我就會喊架la..
又一次的離別
***
除了不能再常常見面
依家d科技先進左好多
長途電話費又平左好多
電話仍然可以大講特講
msn 又日日見到佢online..
只係澳洲同香港有3個鐘頭時差
要講野就要早番屋企 / sat + sun
搭飛機都只係8.x hrs...
暫時一切都ok 的.
***
老套都要講句
(d紀念冊成日寫的)
願我倆友誼永固!
***
移民前最後一次見面@ Ring's home
老友雞 同Ring 都有2x年無見la~
依家一個有左, 一個生左, 時間過得幾快呢~
<< 攝於Ring's home >>
我覺得今篇blog 好珍貴
所以出賣埋Ring決定全不打格仔 ^^p
已經好長話短說, 都寫得咁長.....
今年我會5會捨得派D紫色既呢?