上星期六晚

蟹蟹+火煱+麻雀+邊邊+BB+菲葆

此相偷菲菲的..

今個星期六晚又會點呢?
.
.
.

待續

copy : DIY 貓床

見隔離台既 貓貓用品及產品專欄 介紹用咕o臣做的DIY 貓床好正,

橫掂屋企樓下有$10豬豬島,

就買5塊玩~

$10豬豬島d 咕o臣偏細.. 只可以做單層..

好耐無拎針線了..

將3邊細細針聯埋要半個鐘..

黃色果塊原本諗住放埋入去,

但好似好迫.. 拉出可以大dd,

諗掂先再落針..

不過真係好好玩~

***

(正面)

( 後面)

(內籠)

Hkcats 的原物內容 :

http://www.hkcats.org/phpBB2/viewtopic.php?t=55566&start=0

曾氏火煱宴

繼續上星期六, 影完街貓後,

去左BuffetClub 新人屋企食火煱, (宴請兄弟們)

賢良淑德既曾夫人好有心機咁洗d食物

仲排得靚靚~~ 讚!
(呢款有2盆!)

d蝦蝦好鮮味, 魚魚就唔知....

有d無影相相 仲有魚皮餃.. 炸魚皮.. 菇菇... 鬼妹(西洋菜)..哇哇菜... 唐生菜
2大盒手切肥牛.. 肥美既生蠔.. 生根... 芝士腸... 牛栢葉...
超級彈牙既墨丸...燒賣.. 貢丸... 蟹柳... 薄切羊...羅白丫...etc
最最最重要有我至至至愛既芝士丸~
而且個湯底仲要係'小肥羊' 果個湯底tim..
講番起都口水流流
仲有份量極之豐富...
係咪好想埋位呢~

(呢度只係一少部份乍!!)

每次見呢個o靚仔都有少少唔同..
d細蚊仔真係大得快...呼~
拳頭叔叔想洗底....
但係o靚仔見到佢仲有d縮
今晚就係去飲曾氏伉儷餐 喜喜 宴..
祝您倆
比翼雙飛
鸞鳳和鳴
縷結同心
舉案齊眉

我的香水家族

嘻嘻... 尋日xx買香水.. 我又搭左單..

前面果樽我既~ 買大送細好抵丫..

不過後面果個鐵線既東東, 靚就靚la但係唔知有咩用..

其實呢... 呢呢呢......

...

上個week 我先又帶左佢番屋企..

大size 同細size 差170 only...

無奶油唔要支大既...

每一次買香水我都好中意隻味先買..

每一次都會諗用曬d香水之後就只係用呢隻味其它唔再買..

但係我又心多多.. 容易移情別戀..
一試新野又會中意..

而且又忍唔倒手wor..

所以... 所以...就出現了以下家族...

...

...

...

...

...

...
仲有2支唔記得埋位.. 呢張全家福有缺憾...

搵日用大機齊齊整整再影過,

要同埋d親戚一齊影.. (d 香水版丫, 香水lotion, bath gel ... etc)

唔算多架la.. 早陣子拋左幾支我唔再中意既 味道

.

每朝都要唔同味..
噴死一隻味會好悶的..
(雖然我成日想搵1隻專用的味道..)

***出呢篇post 係for buyka 王做統計的, 我要upgrade上buyka 王既level!!!***

新鮮空運到港

老油雞's mami喺澳洲番黎探親,

唔該曬黃auntie千里迢迢拎番黎丫~

原來澳洲Jurlique玫瑰水已轉新包裝了....

請飲茶

我好貪小便宜丫~~

呢排成日見到佢地o喺紅磡&尖沙咀做promotion..

來者不拒的我人地遞到埋黎無奶油唔攞...

儲儲埋埋原來拎左咁多了..

(有2-3支係迫xx收, 人地比唔好唔接 ;p)

1 Dec 影貓團

星期六, 同菲鴨牛媽跟隔離台去中西區影街貓..

我今日先搞好d相, 過左咁多日貼唔貼去隔離台好呢..

呢張鬆郁矇左, 但好得意.. 佢側頭諗咩呢?
嗲到暈..

我最最中意呢張..

其它相相

行左3-4hrs.. 就搭車去buffetclub member's 家火鍋...續

聞~厠所

屎la.. 前晚換左貓砂之後..

Nermal 一得閒又企o係厠所門口伸個頭入去唔知望咩野..

一望就1x-2x mins.. 莫非佢又唔認得d砂

都係紅袋黎...

不過呢一包就係和x買($9x丫!! 好貴丫)

因為想訂果間只有二/五送貨... 等唔切..

橫掂訂開貓糧.. order 一包頂住先...

***

越坐(係電腦面前)越擔心...

擔心好似33果次買果包咁有蟲蟲....

半夜三更放低d 工作蹲o係Nermal 隔離搵電筒照..

佢又唔行開.. 咁2個傻婆就望住d砂...

望左好耐, 又炒過曬都無異樣....

***

平時驚佢食d豆腐砂都會灑 少少辟味粉..

呢個傻妹會抵唔住d豆腐砂'香'味走去食...(佢有前科呢)

剛剛又用完d辟味粉...

睇黎lunch要快d碌去買......

***

睇唔睇到Nermal 個下盤 ^8^

養貓

頭先食晏同媽咪通電話,
佢問我有無渠道搵小貓養(一般小貓, 唔需要純/名種)
佢話我舅父即係佢細佬想養貓,
佢地以前細細個屋企一直都有養貓..
所以自小到大都佢地都好中意貓
不過舅父話要問准婆婆先
(我婆婆同舅父一齊住的)

希望~~ 希望舅父攞到通行證la~
咁我又可以搵東東了.....

呵呵呵呵呵呵呵呵~~~~~

失貓下集: 阿花番左屋企la!!!!!

開心到爆炸!!
尋日星期六, 早上十時許.. 阿姨打比我 : 「阿x(我個名)!!! 阿花番左屋企la! 」
今次真係萬分感激東東的幫忙!!!
多謝埋阿Ray, 佢提醒了我搵東東的!!!
亦都感動阿姨無放棄過..
頭尾六日鍥而不捨尋找阿花,
除左同仔仔&順姐不分晝夜咁四出搵貓之外,
亦搵人占卦, 亦搵師父不停幫佢念經..
仲有最神奇既係東東的'動物心靈感應~
我勞煩了東東多日, 不停咁contact 花花,
而最後send d 相比阿花既時間同搵到阿花既時間好配合!
相差唔夠一個鐘!!
果晚我番左奶奶度, 無聯絡佢地..
東東星期五晚11-12點幾1點不停咁'接觸' 阿花,
一路'send' d 相 (邊條馬路, 屋企係邊度)比阿花,
到1點幾阿花無咩feedback 比東東;
而果晚12點幾阿姨既屋苑管理員打比阿姨話見到阿花行入屋苑,
咁阿姨同順姐出去屋外搵, 又拎食物碗出去'烤(音)'
接近1點半係隔3間屋之距見到阿花,
一叫佢佢飛奔跑過黎, 一路喵喵喵咁跑去順姐度痴實實實順姐,
*順姐話番我知架*
(雖然佢係我阿姨第四個仔, 但佢同順姐感情最最好,
因為人貓日日24小時都o係屋企,
順姐照顧佢既食同清潔,
又會2-3個禮拜同佢沖涼,
之前唔見左阿花順姐日日以淚洗面,
阿姨番工佢都日日出去後山搵,
拎埋埋貓砂盆丫食物碗呀出去後山, 學校附近呆坐又叫,
一坐坐2-3個鐘, 早午晚走出去幾次搵)
隔離學校又唔比入去搵..
話見到就call 阿姨,
學校d 校工見過阿花一次...

其實今次真係好好好彩,
阿姨住果度隔離係學校, 後面就係山, 有野狗又有山墳,
之前果支'卦'同埋師父都話佢上左山, 一過左7-10日搵到既機會就好微...
你地知架la, 山有四邊其實阿花只要走錯少少就會越走越遠...
所以無論點都好都好感激東東,
之前阿姨&me諗住請東東食飯/送少少心思比佢,
好彩有helena菲鴨提意話不如捐$$比東東用黎幫助流浪貓睇醫生果個戶口,
我話左比阿姨知了, ^+++^
尋日今日都有聯絡阿姨順姐, 問住阿花點樣樣,
阿花除左個肚仔餓'lip'左之外無損無傷亦都唔係太烏糟,
呢兩日早午晚都食罐罐食到飽飽,
過多1-2日等佢定曬先幫佢沖涼,
佢地話阿花依家勁黏人成日high身high勢..
下星期(即係今個week) 阿姨會同佢見見vet檢查求埋安心,
我提埋阿姨叫醫生餵埋杜蟲了.

家陣心情靚爆!!!!!

東東就係'諗'住呢條斜路'send' 比阿花架!!!!

篇文有dd唔順, 我實在太興奮了!!!

升一級

嘩哈哈哈哈....明天我由阿嫂榮升大嫂

聽日我放假一天呀!

Crabtree VIP day

抵抵抵抵抵..

d蠟燭半價丫!!!

但排隊排左成個鐘...... .

失貓

我阿姨隻貓阿花走失左丫!!!

事源尋日我阿姨話佢出左街頌經, 我姨丈同佢阿媽等等飲完茶番屋企打麻雀, 覺得熱所以打開街門抖涼, 仲怕有蚊四圍噴殺蟲水, 又因為星期日個工人放左假睇唔到, (個工人都好錫阿花架), 傍晚先發現阿花唔見左, 連阿花幾時走失都唔知


阿花試過番屋企, 不過係隔離屋企, 我阿姨住house 間間一樣樣, 佢去左隔離屋後花園想開門番入去, (佢識拉果度門手binr, 所以阿姨長期lock 住)..比果間屋既賓賓趕走左.., 尋晚阿姨逐家逐戶問先知.. 果間屋既賓賓話阿花走左去隔離學校...

喊到阿姨屎屎下, 但佢話姨丈唔覺咩問題, 仲怪阿姨怪責佢, 又話不嬲都唔中意阿花, 係阿姨中意先唔出聲, 仲有貓出完街係會番屋企, 唔洗咁大驚小怪wor.. 佢地嗌左場交... . 其實, 聽完我都.....

阿姨佢地依家仲周圍搵緊佢...

唉.. 佢係一隻住家貓, 唔出開街架, 呢排出面又凍, 阿姨果頭係山上山卡la又荒蕪... 野狗又多.... 好擔心...

走失地: 大埔黃宜抝雍怡雅苑

阿花乖la快d番屋企la...

不能置信....

永x大減價丫!!!

link : http://www.wingonet.com/co_news/co_news.php?lang=ch&order=6

***

lunch 碌左去油麻地果間行街街,
我居然可以全身而退!!

一樣野都無買比自己!!!!

***

只係買左老油雞自選聖誕禮物打蛋器..

佢現場揀的.. 不過...

...

...

...

下星期一送會5會早得滯...

...我又揀咩聖誕禮物好呢?

Shall we talk

明月光　為何又照地堂
寧願在公園躲藏　不想喝湯
任由目光　留在漫畫一角
為何望母親一眼就如罰留堂

孩童只盼望歡樂　大人只知道寄望
為何都不大懂得努力體恤對方
大門外有蟋蟀　迴響卻如同幻覺
Shall we talk　Shall we talk
就當重新手拖手去上學堂

陪我講　陪我講出我們最後何以生疏
誰怕講　誰會可悲得過孤獨探戈
難得　可以同座　何以　要忌諱赤裸
如果心聲真有療效　誰怕暴露更多　你別怕我

螢幕發光　無論什麼都看
情人在分手邊緣只敢喝湯
若沉默似金　還談什麼戀愛
寧願在發聲機器面前笑著忙

成人只寄望收穫　情人只聽見承諾
為何都不大懂得努力珍惜對方
螳螂面對蟋蟀　迴響也如同幻覺
Shall we talk　Shall we talk
就算牙關開始打震　別說謊

陪我講　陪我講出我們最後何以生疏
誰怕講　誰會可悲得過孤獨探戈
難得　可以同座　何以　要忌諱赤裸
如果心聲真有療效　誰怕暴露更多

陪我講　陪我親身正視眼淚誰跌得多
無法講　除非彼此已失去了能力觸摸

鈴聲　可以寧靜　難過　卻避不過
如果沉默太沉重　別要輕輕帶過

明月光　為何未照地堂
孩兒在公司很忙　不需喝湯
Shall we talk　斜陽白趕一趟
沉默令我聽得見葉兒聲聲降