預拌粉古力Muffins

早陣子, o係百佳見到呢隻粉,

只要加水搖暈就焗得,

張相又好ok喎,

又試下先~

入爐前...
出爐樣..
又唔高又唔爆
味道又好一般

下次都係唔好懶...

自己溝料吧

.

仲有包2記既預拌芝士波波粉...

買左2個月, 都唔係咁想整....

pause

呢張相某日o係公路上影架~

好舒服呀, 我好中意~

人生有暫停的嗎?

間唔中突想,

如何抽離我的生活

抽離我的人生,

放下所有

一個人,
...

走到天地盡頭

麵包實習初班第一堂

一連10weeks 同老4逢thur 上堂學整飽飽呀~

勁累~ 企足3個鐘..

不過好好玩..

一開二的咸方飽
芝麻飽

'圈住果行我整架!!'一路上堂老師一路搓好多飽出黎比我地試食~

老師即製的新鮮麵飽再加工成蒜蓉包

出爐了

我的飽飽
哈哈~ 好肉酸呀~~

成晚在想...
如果屋企整一定會搓左好多貓毛入去
不過我都想試試丫

ps. 上完堂, 隻黃腫腳變雙料黃腫腳..重心側了一邊, 又常常行來行去...

我的家居意外...

尋日起床, 企左床上熄冷氣,
再一腳踏落地..
一陣麻痛迅速由腳底傳遍全身...
一看, 看見一條電線痴在腳底側..
立刻一fing.. fing不掉..
跌坐床上..
見一個叉嘴恐怖的沒入腳底後側..
拔掉..
(心想: 唔係化~~~~~~)
跛跛下跳入廁所..
坐低一看, 一個血洞..
拖鞋已有數滴血..
用紙巾一按..迅速變紅..
在不大清醒的狀態梳洗..
心裏一角知要看醫生
但很怕很怕要縫針..
灑上勁多量的雲南白葯..
(如能止了血便沒事吧~~自我安慰ing)
貼上膠布..
腦仍然在想湊b不能又企又坐行來行去
要坐著三個鐘..
落到樓下搭車..
劇痛開始上心..
一跛一跛的回公司..
越行越慢.......
回到公司,
想了很久, 就算不情願也要向MC 請假
早餐也無味..
去裝水, 廁所, 跛下跛下的行,
靜下來, 腳底傳來一陣陣痛..
傷口感覺漸漸發熱..
心裏開始恐懼
打比貓友9R求教..
建議應該打破傷風針
又捱下.. 拖下
爸爸問車我去睇醫生
最後決定搭火車方便
11時許溜走,
去北區睇急症..
到分流處,
姑娘要看傷口,
一撕開膠布..
血止了..
但一陣粉灑下(我的雲南白葯....)
嚇了姑娘一跳, 有粉~~ >///<
姑娘問有無比電電親,
我想沒有瓜....
看e生了, 要撕開傷口dd看.. (痛c)
深, 要照x-ray..
照了.. 無異物..
e生話止了血, 不用縫針了
傷風針10年內打過, 不需打..
去姑娘處洗傷口..
洗掉所有雲南白葯..
貼上
(之後一路慢慢滲血)
要日日去洗傷口喎..
回家
落街食晏, 買野..
晚爸爸車我回娘家食晚飯,
再車我回家..
之後面對一大挑戰..
洗澡
...
好la, 話忙話忙依家邊樹都無得去,
乖乖的待在家

我特登買對拖鞋型的涼鞋for 我隻黃腫腳.. (o係屋企樓下)
今朝Hazel 在我臨出門口時企定定於我新涼鞋前嘔落去呀..
我無第二對鞋塞得入我隻黃腫腳..
急急忙忙的用th4勁噴..
係咁2印乾, 都要穿上
莫非我對新涼鞋好樣衰?!
無辦法, 我爛得去邊樹買!!!

到現在還是痛..痛...痛痛.... . . .
.
兇器

xx psp's 义電器

家居意外

嗚.. 好痛
今朝發生家居意外..
我今晚不可能去湊b了
去邊都要想1想...
痛.......

未能抖暑

最近, 不停出動..
有2晚去左中環夜影..
去左貓展,
去左南蓮..
大大力未入過防潮箱訓覺
積積埋埋好多相未出呀~
連上次去黑頭帝國d相都未搞掂..
又想今個星期五影日偏食..
唔記得應承邊個星期六去邊..
逢星期四晚開始上堂..
星期二繼續湊b
好似越黎越忙..
好攰

金吉家的小小Ring

早陣子提過我有個未出世已相識的朋友既,

家有四隻長毛怪果個Ring,

生左個小小Ring 呀~

月初佢一出世去醫院探用dc影左幾張相,

我有想過貼出blog,

但點都要問准左佢阿媽我個fiend 先得架...

拖左幾日,

終記得問.

Ring 反答: '我仲諗你做乜仲唔貼出黎'

哈哈~

攞左通行證

前晚放工帶阿大大力走上去探bb+食薑醋蛋

*oh~ 薑醋蛋無影到相丫!!!

Ring~~~ 唔該留多隻蛋我下次上黎影過相+食.. 嘻嘻

******

好細個b 呀..

雖然間唔史都抱到d超初生b,

但唔知點解,

個感覺唔同架,

有媽媽愛及保護的bb好似有一層保護膜的

我成日會諗起哈利波特母親施展那極古老的保護咒語..

留在bb的血脈裡, 珍貴無比

這小手要多少年才和媽媽的手一樣大呢?

Ring 兩公婆自然流露出的慈父慈母feel.

那愛憐的模樣,

忍唔住偷偷影了2張側面
當然, 要打格仔才出得街~

Ring大肚時有一晚同我媽媽+我食飯,

那晚的感覺真奇妙,

幾十年前我媽媽同李姨姨一齊讀書,

看着李姨姨懷孕,

看着Ring出世, 長大, 結婚, 再看到Ring懷孕..

小小Ring 的出世,

一代一代的

現在我也升了一級, 清清姨姨
小毛頭, 你要快高長大, 身體健康,

聽聽話話, 孝順父母丫~

金吉家的貓豬豬篇

Ring有4隻貓豬,

分別係阿爸, 阿媽, 阿仔同阿囡

今個夏天全部要除曬衫

因為要減低貓毛在空氣間的飄浮量,

唔比貓毛係一個籍口與擔憂

男仔貓爛玩過女仔貓好多好多,

阿媽阿囡斯斯文文的,

不及阿仔勁爛玩

Lego 奧運世界

尋日經過新世紀,

見到有Lego做的鳥巢水立方,

趁今日拎左部'大大力'.

又要去彌敦道搞d野.

食晏衝左去影..

但好心浮氣燥..

影得好心急,

會再去影多次丫~

太方便了, 一個站就到~

書展

好想好想好想去書展啊... :

豬脾晚餐~

講番老4生日果晚,

拎左個蛋糕去

o係咁既氣氛都ok~

不過, d 海綿蛋糕雪完硬到乜咁,

好彩家人都食曬~

佢地既comment 係 'd芒果好甜好好味~'

'........'

好好味既豬脾,

好快又有得食~

YeAh!!!

Piano for Cat

尋晚播左頭兩首,

佢地無咩反應~

只係耳仔間唔中郁下

今晚試下播曬成隻碟,

(如果我唔太夜回家)

睇下佢地有無咩先~

ps. 歌曲偏輕快 (no. 1 & 2)

曬~ 多晚月光

20號, 月亮依然又大又光~

又落平台影過~

今次xx醒目了,

帶罐凍飲落埋去..

呢晚有陣陣微風,

好舒服呢~~~

ps. 兩晚都唔記得帶shutter 線,
激屎我~
pps. 呢張無較色, 原相都是這色,

紅紅的

曬月光

今晚, 睇完戲,
同xx番到屋企樓下,
見到個月亮仲好圓好靚,
拿拿林拎帶住阿力落樓下曬下月光
吸收下d日月精華
嘻嘻~

兩種setting唔同,

光d定暗d好呢?
如果聽晚天氣靚,
再試下先~