話四代

又講歷史~~~ 哈哈!!
剛剛的星期一黃昏,
同阿Ring , 阿Ring媽, 我丫媽, 仲有另一個ee,
o相約在UCC相聚~~
Ring媽, 我丫媽,仲有佘ee, 係分別既中學同學;
70年代同一年懷孕, 同是生第一個大女...
佢地既女兒, 3x年後, o係呢一兩年懷孕,
佢地同時升grade做婆婆~~
***
o係UCC, 由4pm 坐到9pm,
由tea 食到dinner~~
坐到pat pat 酸痛...
但真係好開心, 聽佢地話當年:
講佢地丫媽, 佢地d女,佢地d孫~
數埋共四代!!
奇妙的緣份呢~~
d舊話百聽不厭~~
伴住媽媽,
滿足且幸福的一晚~~

陳年學生照

執野, 執倒d陳年幼兒園+幼椎園成績表出黎~

份份都有學生相~~

即刻scan 做record~~

***

我的小小人質啊, 第時你會像我麼?

xx話我呢個樣好un皮 @@''

V

涼拌雞翼

小時候~ 逢夏天~

媽咪就會整呢款涼拌雞翼o係雪櫃比我地做小食~~

材料簡單, 但味道一流~

只要將以下材料切絲..

烚熟埋雞翼過冷河,

再調好味, 拌好, 入雪櫃~

就搞掂了!

趁今日放假, 又整番盆先~

今晚又有宵夜了!! 哈哈

雞批

有人講左好耐想食麵包店既雞批,

搵左好耐都搵唔到...

趁放假..

買齊料, 仲買埋新鮮雞'月比'挑根拆肉,

(d骨就用黎煲湯~~)

萬事俱備先發覺無2.5寸批模...

無計~~ 用住d hello kitty 模頂住先 ^^p

***

搓完撻皮, 煮埋個餡

(白汁洋蔥磨菇雞肉) -> 超似! 好滿意! 但無影相....

入爐前合照~

好快~ 就可以出爐了~~ 個個雞批個底都有hello kitty 印~ 正味道十分滿意~
有機會又有心情可以揀日再整~ 嘻嘻

罌粟籽戚風蛋糕

買左戚風模好耐好耐,

今次都只係第二次整~~

呢個整比媽咪食,

因為媽咪中意罌粟籽, ^^

未買戚風模既刀丫~!

起模d邊唔靚~

係時候買埋果把野..

嘩哈哈哈哈哈!!

胎動

人地話, 剛剛feel 到胎動既感覺, 會好似一條小魚o係個肚度游黎游去咁的~~
游完左就游去右~~ 好得意架wor~~
期待已久...
終於~~ 早幾日開始, 我感覺到我個人質'郁'la!!
但一d都唔係條小魚兒...
um... 果種感覺, 似一個無乜電既call 機, 間唔中o係個肚皮下面震lor.... -_-''
又有時似腸移動, 好似肚痛果d呢~ 但又唔係要去廁所..
咕嘰咕嘰的..
但如果靜心訓o係梳化感覺下佢,
就似一個牶頭, 慢慢咁tum tum 轉, 好奇妙~
之前,
一直都覺得似發夢, 唔實在, 個肚腩一直都咁大, 又無再大d,
依家開始輕輕的感覺到佢既存在..
個feel 又唔同la~~
***
已經踏入了二十週啦~ 懷孕期剛好過一半了
時間過得真係快~
尋晚同貓友去左錦上路龍華食豬油撈飯,
得知埋另一個超級好消息~~ ^o^
番到屋企lun 埋d blog,
我都要努力努力update,
好好記錄我的心情, 留番第時回味
唔好日日掛住落田落成幾粒鐘~~
之前諗到好多野寫架~~
但成日諗左當寫左 ;p
努力努力*共勉之~~

胎盤

今日同xx去左睇c+,
照urltra-sound 又'見'到個人質~~
佢唔驚唔覺咁又大左好多了,
依家有15.81cm長la~~
見曬佢d手指腳指仔~~
睇埋心肝脾肺腎..
一切正常~^^
當然~~~
當然最重要既'器官'都睇左la~
hehe, 不過呢篇唔寫出黎住..
遲d先開估, 不過~~~
見倒面, 你又問我既話,
我又一定講的~~ 哈哈
***
不過..
今次e生照既時候, 話我胎盤低丫...
(佢頭頭尾尾提左2-3次左右)
佢話, 遲d可能會升番上去的~~
咁, 我問胎盤低會有咩問題...
e生話, 胎盤低生產果時好大機會會大量出血,
所以, 會需要開刀...
不過, 依家仲早, 都應該會升番上去的..
又唔記得問e生,
我下腹間唔中陰陰痛, 又關5關事呢..
同埋... 我其實仲間5中拎d'重'野,
又有無影響呢~~
今日仲由佐敦行到太子買魚魚tim...
(終於執番好個魚缸, 好靚丫依家!)
***
今晚上網遊蕩..
見到篇關於'胎盤前置',
胎盤前置=胎盤低
基本上唔會升,
唔.... 呢刻都幾擔心~~~

ps. copy from http://forum.baby-kingdom.com/viewthread.php?tid=2301812&extra=page%3D1

1) 胎盤前置有共4期. 第1期只係個胎盤低. 近子宮口. 2期即係胎盤係個子宮側邊度.. 3期即係胎盤個邊疊左係子宮度. 4期即係胎盤個中心位疊左係子宮度.
2) 2期尾以上. 醫生建議一定要開刀.
3) 其實個胎盤由一開始係邊個位建立. 就已經定左. 不會隨時間改變位置. 但點解d 醫生會講33-35週後會有機會向反上呢 ? 只係因為到時個肚一路大. 咁個胎盤隨個肚擴大而移動啫. ( 可以想像一下你企係個扶手電梯咁 )
4) 由於胎盤低. 出血機會較大. 故一出血要即份醫院觀察. 好大機會會要求你留到生為止
5) 有咁既情況. 最好休息多d. 訓床最好

17週la~~

爸媽話見肚la wor~
但我照黎照去望黎望去都係覺得只係我腩腩d脂肪,
而且仲好依然軟熟, 嘻嘻...

ps. 老油雞個blog 寫左佢生產過程.. 好驚丫..

紫色禮物

呢排懶到爆~~

終於捨得updated 個blog~~

終於捨得updated埋自動貓世界...

好多野想寫,

但未有mood~~

再拖下先~~

***

另, 多謝Ring 送既紫色貓系列~~

超級中意!!!

如何生...

wow!!! 老油雞星期六生左la~~
母子平安!! 恭喜曬佢丫~~
好開心既一個消息!!!
佢生完打左電話比我, 把聲仲好疲倦...
佢生既時候有少少'問題'
聽曬都鄧佢好痛... 好痛...
好好彩, 佢xx一路陪住佢..
聽到好感動... ...
但我開始有d驚... 尋晚半夜去完toilet 唔可以即刻訓著...
眼光光咁.. 又係度諗...
我唔中意開刀又唔中意順產,
兩樣都好驚... ....
不過依家點都要揀一樣...
人地話順產係生之前痛廿幾個鐘,
開刀就生完痛廿幾日...
一開波我就揀順產la, (順順利利的話)
聽完老油雞講果種痛...
我又有d Aro Aro 地....
...
...
...

其實呢... 係都幾Aro..... 唉...
我要d時間調節下自己心理...

脈象~~

今日, 同媽咪入元朗睇中醫~
搵黃ec 把把脈安安月台~~
見倒ec,唔講佢知, 睇下佢把5把倒 (好衰咁, hehe)
佢把左好耐, 表情古古怪怪,
先至問我d'女人野',
媽咪就忍5住開估了, 哈哈!!
我問左好多食5食得野既問題:
好多野好想食又唔知食5食得丫!
我知, 我乜都食得有人話就唔洗忌,,,
但如果唔戒口第時個'人質'皮膚腸胃有d咩唔好第時又係自己受番曬..
忍幾個月者!!
我忍忍忍, 至多忍無可忍, 再黎重新再忍!!

ps. 今年唔食得榴槤la! 嗚...

媽咪識把脈, 佢話有'人質'既脈叫'滑脈', 又稱'如珠走盤'
(即連綿不斷好似粒珠碌黎碌去咁)
我試過把自己&人地,真係dd唔同架bor, 好得意, 嘻嘻

海盜船

我1向好爛訓~ >///<
訓上床又成日典黎典去,
左轉右轉...
而家個肚多左個'人質'
成日無聊想:… 平訓就無野o者....
左轉就'浪'去左邊90度, 一右轉就自左'浪'去右邊180度…
成晚左搖右轉幾廿次~~~
坐海盜船咁~~~
.
.
.
佢.. 暈5暈架呢?!

挾持人質'發現篇'

各位, 嘻嘻… 夠三個月la~ 終於可以post 出黎~~~
我第四隻'貓' is coming~~!!! 呢隻貓10月底到… 仲可以派薑醋的~~
想左好多好多日, post 5 post 曬d日記出黎, 但都係一個心路歷程黎既, 自己blog, 唔理咁多, 咄就咄la~~!!

3月8日 (日)
胃氣脹左幾日, 成日ur氣, 又食欲不振, 疲勞非常,咩都無興趣, 唔想街街, 成日訓, 比xx捉去睇E生… e生初初仲斷証我腸胃炎, 點知, check 埋其它野, 意外發現… 我挾持左xx既人質!!! 好意外, 出e生房門時有d好驚又想喊既感覺, 問xx點算呢? 佢好平靜的回答, 都要面對架la.. 但佢即時已經好緊張拖實我, 又要我換番對波鞋.. 因有少少既'情況', 個e生prefer 我地去急症睇一睇, 咁又去急症打個轉, 無事wor又, 再confirm 多一次. 是夜失眠.

3月9日 (一)
放工約爸媽晚飯, 比e生封信佢地睇, 媽咪開心到不得了, 話終於可以話比人知佢就做阿婆, met 我又met xx既臉珠.. d妹妹都知道, 成晚笑咪咪的望住我~ 嘻嘻
ps. 同motherchoice 請假一年, 突然暫別, 好唔捨得丫

3月10日 (二)
早上同xx請假去健康院登記, 中午約99入黎tea, 一上到黎, 99坐好後.. xx開場白如下:
xx : 阿媽, 我同佢之間發生左d’問題’…
99 : 咩事呀?
Xx : 有d問題, 無得解決, 要面對的…
99 : 究竟咩事!?
Xx : um… 你遲d又再抱孫la~
99 : (好大反應地)嚇屎人咩!!!! 呢d係好事黎架ma!!! 講成咁!!!
哈哈~~
夜晚, 99再致電我問detail d, 又叫xx聽電話, 叫xx千祈唔好'唔開心', 記住係'開心事' (99知xx唔係咁想要小孩 , 唔係話生出黎就算, 係一個一生既責任黎, 要好好考慮), 收線~ 咁我問xx有無唔開心, 佢又話無wor~
咁, 坦白地我又唔覺得xx唔開心既, o係健康院佢又會猜仔定女la, 開單開雙la.. 佢又'立'曬d章程研究, 又上parents-kingdom 睇, 屋企d家頭細務佢全攬上身, 煮埋飯洗埋碗仲日日切生果我食.. 去永安等又會叫我上bb野果層搵佢, 佢開始研究d衫既質料… 我又唔覺佢唔高興bor~~~仲覺得佢係喜悅tim!!

3月11日 (三)
d徵象越黎越現… 晨吐午吐夜吐, 食乜嘔乜, 聞咩味都唔得, 又噴唔倒香水, 自己香水d味都頂5蒲… 時時全身一陣陣毛管棟..(好似大病果d感覺咁)
又好似o拍左K仔咁, 每15分鐘去一次廁所, 15分鐘去一次廁所, 15分鐘去一次廁所….etc
成日望住餐飯好想食又食唔落, 乜咁辛苦架咩? 我arm arm 先開始乍bor…

期間老油雞 & Ring 都知道了,
反應大致如下 :
老油雞 : 好開心丫!!! xx 有無唔開心? 你咪要搬屋lor! (?!)
Ring : (猙獰地笑) 嘩哈哈哈哈哈哈~~~ 有人今年無得食大閘蟹!!! (嗚~~~~)

我好想好想分享呢個喜悅比貓友&buffetclub 知丫, 但乜都未正式check 過, 連心跳都未知有沒有, 想一切再confirm 多d先講呢~ 最後, 應該會o係慶祝4月之星果時講瓜~~~ .

3月16日 (一)
下午請左半日假, xx陪我去睇私家, 照第一次既UltraSound, 只有1.4cm… 見到佢既心跳, 碰碰碰碰的, 好得意, 感覺好奇妙~ 另意想不到既係, 居然喺診所撞到個熟朋友!! 哈哈
夜晚, 撻o係sofa, 望左張相成晚, 愛不釋手… ps. 果晚xx已 scan 入電腦la~

3月18日 (三)
好倦好倦好倦還是好倦… 唔可以飲茶飲咖啡飲可樂提神… 晚晚起2-6次身去廁所, 黃昏後已盡量唔飲水, 都唔得… 巧橙

3月20日 (五)
弊傢伙~~ 今朝上網睇有d咩咩唔食duck, 我知鵝鴨蝦蟹薏米唔食得, 我至愛既' 椰子'煲湯又唔得, 原來頭三個月連d瓜瓜菜菜都唔好食, 涼wor. 我呢排少左中意食肉, 有時lunch 無帶飯就去買齋舖三餸飯, 最中意食苦瓜煎蛋, 豆pok煮冬瓜, 木瓜雪耳湯… 原來苦瓜冬瓜木瓜都超涼架, 木瓜仲容易滑胎tim, 少少擔心ing, …
成日想飲湯, 飲水覺得'聲', 但又有人話春天唔補得, 我依家飲得乜呢? 湯啊~湯啊~
p.s. arm arm 踏入八週第二日~~ 仲有三週多就進入穩定dd期la~

3月22日 (日)
呢幾日成日想, 會是小男生還是小女孩呢? 一日未開估一日仲有想像空間.. 嘻嘻,
有時希望是男生, 更加多時希望是女生, 期待ing~~

3月23日 (一)
呢兩日一早一晚勁嘔黃膽水, 嘔到有d驚..
勁渴湯, 無時無刻都想飲湯~~ 飲湯就唔嘔… -_-‘’
勁中意食生果, 買左蕉, 食曬後, 把鬼地’發現’蕉都係涼, 唔食得..
xx已經唔比我食呢樣果樣同埋咩樣, 咁又照呢個講果個講, 何止白飯唔食得, 連東南西北風都唔可以食得, lunch 落旺角買左4本書(註冊營養師)講呢段時間可以食乜做乜有咩禁忌, 我自己lun書!!!

3月26日 (四)
尋日放假, 媽咪約左老油雞's媽咪lunch(老油雞's媽咪剛自澳洲回來探親), 因為o係Ring 屋企附近, 就上埋Ring 屋企,
而Ring's媽咪又arm arm 遇著剛剛o係度bor(Ring's 媽咪平時在上海工作, 極少時間在香港), 咁, 3個媽咪就重逢la~~ 據'聞', 3個媽咪一齊係超級嘈的, 哈哈~~
我阿媽邊忍倒o架 ...咁老油雞's媽咪就o係我打比媽咪果時恭喜我la.. 對話大致係老油雞果個係仔(已照),最好我就生個女, 咁n年後就對櫬家wor, 連’周李聯婚’都諗埋, 咁我個女嫁左去澳洲就可以申請我去澳洲wor, 咁我爸媽去探我, 又可以團聚wor~~ 真係多謝曬wor~~~
之後同爸媽去左太古城tea~~ hea~~ 夜晚就番99屋企食飯, xx佢地大戰四方, 見到叔仔嬸仔同姪仔, 就同佢兩個'講埋', 佢地年底升做二叔二嬸, 姪仔朗朗就升做堂阿哥, 咁, 嬸仔就同朗朗講佢遲d就會多個妹妹……… 或者細佬喇~~
99就話如果生一個就生女好, 不過姓李既生親第一個都係仔, 咁我答: …可能例外呢…
係~~~ 我好中意女, 但我無表過態比其它人知我中意仔定女喎, 咁快個個覺得我個係女, 怪怪的. (我係咪好多心呢)
呢兩日覺得下腹少少脹脹的, 唔係平時涼涼的而係暖暖的, 按下去感覺同平時按落的脂肪feel 有d分別, 更加有彈性~ ^v^ 今日係第九週 day 1 la~~ 由胚胎期進入胎兒期, hehe

3月30日 (一)
放假, 成日o係屋企hea, 開住爸媽送的安胎music, Hazel Nermal Souffle 聽住d音樂, 訓得超lum, relax 過我~~

4月4日 (六)
是日貓展第一日, 好耐都無見過d貓友+貓貓, 好掛住丫, 出去同肥鯨古力打氣, 又乘乘機機可以去抽下水, 出到去食埋tea落到去都成15:45… 見曬d貓友都係忍唔住講左比佢地知, 收埋order要多肉多蛋多汁少薑既'外賣'~
坐左個零鐘, d電已經放得7788, 走埋上ikea買肉丸, 要番歸~~ 完全無電…
xx回程時同我講, 我已經成個月無街街過, 以xx話我o係街生既性格, 日日唔行街唔安樂, 家陣簡直不可思議~~~

4月10日 (五)
貓友們夜晚同我o係六國慶生, 好開心既一晚, 好似好耐無同佢地見咁… 不過成晚都要抱住個肚狂笑.. 超級滿足~
不過回程時暈車浪, 番到屋企都係大嘔特嘔…

4月17日 (五)
一早去左check OSCAR, 超聲波度頸皮+抽血, 上星期照係5.0cm長 (頭到pat) 今日已經6.05m la~~
長得好快, e生照話佢好active~~ 成日郁黎郁去~ 肚皮'比較'厚... 未睇到男定女~~~
OSCAR 既機會率 (I)1/6xxx, (II) 1/2xxxx, (III) 1/6xxxx. 安心曬~~~~~
我擔心呢樣野架都, 因為見過接觸過... MotherChoice 果度都有唔少呢d bb, 感覺好難過的, 所以, 可以預先check左好d~~~.
.

老火湯

呢期, 勁渴湯,
咁arm 呢排要清假, 好多時o係屋企~
所以可以勁煲湯... 又玩下煮飯仔~~ hehe
但春天又唔可以飲補既湯,
要成日諗d唔補唔涼的... 唔...
.

有緣自會再相聚

尋日, 老油雞's 媽咪約左媽咪lunch
(老油雞's媽咪剛自澳洲回來探親),
.
因為o係Ring 屋企附近, 就上埋Ring 屋企,
而Ring's 媽咪又arm arm 遇著剛剛o係度bor ~~~
(Ring's 媽咪平時在上海工作, 極少時間在香港),
.
咁, 3個媽咪失散2x年後就重逢la~~ (呢個組合)
據'聞', 3個媽咪一齊係勁量超級嘈的,
哈哈~~

媽媽的生日蛋糕

呢d相, 二月頭架,

點解依家先出? 又係懶之過...

心心ny cheese cake,

心型唔係成日整架~~

(個面又掃得5滑..)
媽咪好開心呢, 嘻嘻

藍苺鬆餅

好想食muffin, 上網勁search recipe...

面果d白色係砂糖, 扮Mrs Field's 個面,

但係都5似既賣相5靚但好香好好味,

搵日再試下整靚d千~~

細世界

哈哈~~ 呢個世界真係細~
.
尋日下午請左假,
同xx 去開會,
o係果度,
居然撞到一個'熟'朋友
仲傾左成個鐘計...
.
所以話呢..
若要人不知, 除非己莫為

嗅覺敏感

唔.. 呢排5多掂..
無lala狗公鼻
聞乜味都想屎..
天然的味道唔得,
人工的味道又唔得,
連自己的香水味道都唔得..
有無人鼻塞, 傳染比我得5得?

花展

去左2年定3年花展,
今年仲好想去..
但時間不夾,
亦唔夠energy... >.<

打掃

個blog 鋪曬蛛蛛網la!!
係時候打掃一下,
重新努力update blog~~
番來la~~

ing

需要記下的一天!!!

(後補)

Pet Society

沈迷於Pet Society中,

遲少少先update..

.

.

.

玩開請ADD我, 好窮丫~

新年侄仔

一路以為年初一無影過任何相
原來同侄仔朗朗有張合照~
唔經唔覺, 佢己經4個月大la!!

d bb 真係大得好快 ~~

仲有一張同嬸仔即佢阿媽,

媽媽抱住, 個樣幾得戚~

椰汁馬蹄糕

我懶... 睇番部dc 日日都有影相,

但總'的'唔起心肝.. 拖下拖下..

影左又想post 出黎wor..

唔...

******

今年只整一底椰汁馬蹄糕

掌握到個技巧, 今年整得好好味丫

不過無影相...

製作中:

製成品..

紅圈的就是了

加映一張利是相

2009-大年初二煙花夜

大年初一, 同往年一樣, 在忙碌中渡過,

無咩特別, 唯值得一提係今年對新'鞋'3.x寸高,

中午後開始.. 有櫈就要坐 T_T

仲有, 派紫色利是係好好好開心的~

***

大年初二晚,

出左xx灣仔番工果度影煙花,

海傍邊, 正丫~

呢張係第一張~

天晴氣朗萬里無雲,

靚丫

呢張係6張相後...

(無咩風吹走d煙)
呢張係再6張相後...

d煙積住越黎越多...

再11張相後...

開始睇唔到d咩lor..

再再再60張後,

長時間曝光 (6秒)

先可以o係相見番d煙花..

睇番人地d相, 今次d煙吹曬黎灣仔丫~~

之後成個金鐘灣仔都係煙..

o係尖沙咀果邊就影到..

下次再影的話,

睇黎要睇埋吹咩風先得!!

迎牛

新年快樂!!! 依家armarm係大年初一,
鼠年又過去了;
過去的鼠年, 其實過得麻麻地,
有幾十樣大事(包括家事國事天下事)發生..
唔開心的時間大大多過開心的時候~~
會開心咁笑, 笑得越黎越少...
且成日顧慮呢顧慮路, 又想呢想路...
***
現在新的一年開始了~~
舊事全部放下,
重新迎接每一天~~
每天也要開開心心的過,
重新笑多d多d~~
很多事情都可以'海闊天空'
不期望便不會失望.
凡事不強求, 生活得高高興興~~
[要再搵多d野學~~ :P ]
快樂可以很簡單 ^^
努力努力~~ hehe

貓貼貼

多謝菲葆媽個blog好介紹的整貼貼,

幸運地趕得切, 我都整左la!!

好靚!! 成晚都愛不釋手~~

我應該都係揀人而派有我三個寶貝的,

我唔捨得用曬丫!!!

好中意好中意!!

GOGO糕

新年了!! 又有我至愛的蘿蔔糕年糕黃金糕~~

年年都有朋友C or 老油雞約我整,

但我好懶,...

***

唔少得既年糕

不嬲我都中意食美心/99's 每年的蘿蔔糕,

但某年試了八珍的, 極愛上~~
嘩~~ 好懷念的味道

有大又有細~~
今年有意外驚喜,
收到兩個意想不到既人整既homemade 蘿蔔糕~~
呢個Ring 整的,
未試, 但勁香啊!!!

呢個同事M 's 爸爸整的
好滾動丫!!!
***
我年年都想整呢整路,
但迷信的xx過時過節都嚴禁我整..
佢話萬一整唔掂, d糕唔升唔發就成年大吉wor..
哼!!!
上年我唔理, 整左個爸爸中意食的馬蹄糕給爸爸,
呢2日又蠢蠢卻動...
***
依家個雪櫃有5底我買比爸媽的糕,
(蘿蔔糕x2年糕黃金糕馬蹄糕)
有Ring 給我&爸媽的蘿蔔糕2底,
同事M的蘿蔔糕,
我買比自己的美心&八珍蘿蔔糕各一,
欠一個年糕, (睇下今年見5見奶黃年糕 ;p)
仲有99一底 is coming~
***

我個雪櫃滿瀉-ed!!
xx頭先一打開, 即刻D字眼望住我.. 嘩哈哈~~

家常晚餐 2009_0116 - 牛扒

清雪櫃, 見仲有3片牛扒,

煎埋佢, 唔'責'過年

又一餐美味的晚餐~

最重要, 煮的不是我~

雖然我非常樂意, 嘻嘻

侄仔

今晚去食xx's 婆的團年飯,

見到侄仔又大了少少,

兩邊面圓圓的勁過癮~~

蕃薯

無聊post 一則:

另類午餐~

post 出黎係因為佢紫色的!!!

哈哈!!