每早

每晚不願睡覺, 每朝不願起床
每天早上都痛苦交戰
繼續睡覺, 請假一天, 還是認命起床?
高床軟枕:

床是那麼柔軟, 暖爐被窩是那麼溫暖..
我...... 越來越懶隋了

養貓的安全感

我既沒膽又怕黑..
如果那天xx夜回家我全間屋一定燈火通明
不是開了電視就是開了音樂,
總之一定要有聲浪 ..
就算xx在家他睡著了我聽見窗外門外有少少聲我都心慌慌
是呀, 我虧心事做得很多,
而且我未嫁前幾姊妹成日喧巴嘈閉
現在養貓了
回家真好, 每次開門三隻寶貝也歡迎我,
在家去左去右都有貓地跟出跟入
我不再害怕一個人的時洗澡,
Souffle 次次都守着我的門口,
10mins 等10mins;
1小時等 1小時,
家裏總是熱熱鬧鬧,
他們總在你面前擾擾攘攘..
門外有聲只會想是那隻頑皮,
感覺真美妙
現在我的家有家的味道
這是我的安全感

大x華

奶黃綠豆水晶包~~
奶黃馬拉糕~~
我好掛住你地呀)))))
我好快好快黎同你地見面嫁la~~~
等我呀!!!!

攝於上次老爺生日時

1 2 3

每一天在家總會有幾次儍婆的數1~~2~~3~~
尤其上班前、 睡覺前;
有時會..1~~~ 2~~~ 咦咦咦.. 3呢? 阿妹呢/細佬呢/家姐呢?
叫多幾聲就會開始左望右望
無反應.. 就去他們慣常的位置找,
Hazel 書枱窗簾後, 飯枱椅, 貓床.
Nermal 梳化被底, 咕o臣後..
Souffle 飯枱底, 書枱底, 書櫃頂 他無幾何會玩躲迷藏,
經常大字型睡在廳中間, 走廊位, 以及貓toilet門口..
入番題, 都不見就開toilet門房門裝裝,
會不會困了貓..
當擾擾讓讓了一輪後..
失踪了的就會施施然的在你眼前路過

失敗的老火湯

上星期立下宏願屋企要常有老火湯供應
之前通常星期六日才煲, 平日如果煮飯就滾湯多..
我覺得我飲多d湯水皮膚會好dd. (我不吃燕窩, 雪蛤膏, 不飲鮮奶..etc)
咁努力了1個week.. 到了昨天, 難得xx order 想飲杰少少的湯,
平日他喜歡清潤的瓜瓜菜菜湯多.
很豪的煲了花膠鮑魚雞,
3.x小時後熄火落鹽.. 失手放多了鹽..
試味咸了很苦惱.. 無奈加半公升水煲多15分鐘..
味還是很濃, 現還剩下大半煲,
唯有這二日lunch 幹掉部份送白麵包..
好好一煲湯就泡湯了,
喝一次懊惱自己一次

又開多個Blog..

自動貓世界仍然繼續..但不會再貼花花草草風景見聞唔關自家貓事的文章

改黎呢度, 嘻嘻

請多多指教

ps. 我真的心多, 四圍點火頭