扁面貓

Nermal睡覺中

'毛'處不在

xx不定期要拆開部腦吸'毛'.....

再見-主題曲

如果有日返到屋企你唔喺度 (如果有日返到屋企你唔見咗)
我坐喺度,開大套Hi Fi都無人投訴 (用幾耐廁所都無人哦我)
話我嘈，無人同我嘈　(我嘅生活鍾意點過就點過)
耳根清靜到想做乜都可以照做　(唔使睇你面色，我就係我)
但係補身嘅湯我自己又唔識煲　(但係每晚我加班遲返)
夜晚趕proposal就咁訓咗係度　(無人幫我留餸留飯)
無人為我鋪好個床鋪　(以前嫌你麻煩,嫌你野蠻)
聽朝早無咗你把聲又醒唔到　(但係無咗你喺我身邊，生活好多困難)

part of 野蠻奶奶大戰戈師奶主題曲

貓咬貓事件簿

衰妹發牙痕得咁緊要~~
條片係6月中拍架,
天氣熱就心火盛...

我唔記得'嘩' 果聲係我叫定Hazel 叫了

晚餐新嘗試之柚子沙律

呢排都非常多o係屋企玩煮飯仔..

星期一突然好想食烏冬

好誇張既兩碟雞翼唔同味架

一款鹽燒另一款係香草牛油...

枱面上有一半係lunch帶飯架..

預埋尋晚湊b無得煮既今日lunch...

xx仲讚我個烏冬煮得好味.. 哈哈

佢好少讚我架.. 平時煮得好5好佢都要食架..

買料時突然好想好想食柚子..
就好想當然咁'撈'左個汁,

完全斷估
拆好d柚子拌左汁灑d花生就算了..
好彩.. 個汁都估中九成.. 我只係轉左椰糖做蜜糖..
加少少麻油..
其它配料一切欠奉...

呢個receipe之後網上搵..下次依足試多次先

泰式柚子沙律

.

材料:蝦肉蟹肉（已烚熟）

西柚

椰青肉（烘乾）

蒜頭（炸香）

乾蔥

花生

金不換(=九層塔)

泰國芫茜(香菜)

.

汁料:

椰糖

青檸汁

魚露 　

.

做法:

1. 預備好所有材料、汁料，倒在大碗之中拌勻，再上碟即完成。

Last 1次

今晚, 同xx最後一次上Mother's Choice做義工..
之後, 就自己一個上去了
希望, 第時有機會同xx一齊再去..

OMG!!

元祖豆腐貓砂斷貨丫!!
.....
貓砂用到last 1包都無剩, 先大安旨意打去訂,
諗住加左價又周圍都有(至多貴d)唔洗咁趕..
點知我由賣最平既70.8打到去95大洋都無曬貨~~
間間都話代理缺貨, 最快要月中至月底先番貨..
屎la~~~ 日圓持續高企..
今水豆腐砂唔知會5會再加價.. 唉~~
依家考慮緊試OKARA / 優質環保豆腐砂..
巧煩~~~~

生命無常

呢篇野.. 已經5日前(3 Jan) 開左個頭段...
今日'的'起心肝埋埋個尾, post 埋出黎~

好唏噓..剛剛同黃則師傾完計..
佢話比我知佢隻狗狗28號走了..
11歲大, 早2個week 仲行得走得食得玩得..
忽然有一日放工番到去佢攤左係度..
夜晚帶佢落樓梯一落完趴係路中心喘氣行唔到,
下半身唔再郁得
果時已經11:xxpm, 立刻call 定spca黃sir車佢去睇醫生
(佢只知spca)
vet話佢已衰老,
d關節全部鬆曬, d肌肉已經軟曬..

留左狗狗係房, 佢地出左去傾,
當佢地係門外傾緊既時候..
聽見裏面一聲巨響..

立即入去見到狗狗由枱面跌左落地...
但哼都無哼出聲
聽到呢度好心痛
vet 話帶佢番屋企都要每日同佢做物理療,
每日同佢翻身, 抹身.. 餵佢食野...etc
一係打針
黃sir決定帶佢番屋企,
照顧左狗狗2個禮拜..
黃sir太太同黃sir 講不如送佢走,
見狗狗好辛苦..
28號, 就送左狗狗打針了.............................
...
...
...
佢講到鼻紅紅..
話唔會再養狗,
太傷心了...
佢話佢個7歲囡囡都喊..
但一日就己經唔記得..
佢就仲好傷心
我都唔知講咩好..
講咩都太遲
只好話狗狗安息的了..
o係佢屋企渡過幸褔的一生
...
...

黃sir好傷感話唔係好幸褔,
佢對狗狗唔係好好,
狗狗日日等佢放工,
見到佢都好熱情撲去佢度..
但佢話佢會避/say no
怕狗狗d口水太勁 (金毛尋回犬)
好偶而拍拍佢個頭佢已經快樂半天
依家後悔已太遲
想對佢好d都無機會了.......
...

寫到呢度,
突然好掛住屋企果3個賊仔
好想攬攬佢地..
雖然我屋企果d仲細..
但我間中都會諗下第時到佢地走應該點面對
時間比我想像中快左好多
話咁快就2歲半
好好好幸運就1x年
即係已過左幾多貓生呢?
呢一刻唔想諗
總之對佢地寵得就寵
我開始明白呢句說話既真義
..
..
...
除了貓,
仲要好好珍惜家人朋友
人生最難過就係睇住父母慢慢老去..
我有個朋友既爸爸上星期突然入了院
E生講過有心理準備..
希望uncle 大步x過無事

童夢

自無再聽收音機之後對於有咩新歌簡直脫脫脫曬節..
早陣子同xx打的既時候聽架的士播呢首歌覺得好好聽..
(我覺得好好聽既定義係第一次聽就已經巧滾動/毛管動)
番屋企上網一查已經係上年六月出的..
我改左做呢個blog 既歌了, 有空聽聽吧~

衛蘭：能有你　快活無可比
可把臂逛街　像遊盡天地
任何時候哪肯懷疑你
寧願不聽他人說是說非
光良：除了你　沒別人可比
只需愛到底　難道天妒忌
任何容貌條件都喜歡你
其實相愛沒因由量你也不記起
衛蘭：別要欺騙我
光良：流淚一滴亦已太多
衛蘭：重視我大可縱壞我
光良：已片刻難離
衛蘭：一公分可算多
合唱：其實我未想知道誰在愛得多
光良：願你相信我
衛蘭：明日怎樣無助
光良：我也可
衛蘭：如平日大幾倍愛護我
衛蘭：如果　花開竟不結果
光良：都不枉往日相處諧和
合唱：夢一同造過
衛蘭：別要欺騙我
光良：流淚一滴亦已太多
衛蘭：重視我大可縱壞我
光良：已片刻難離
衛蘭：一公分可算多
光良：其實我未想知道誰在愛得多
衛蘭：憑著已相愛過
衛蘭：明日怎樣無助　你也可
光良：(護花當然找我)
衛蘭：如平日大幾倍愛護我
光良：(想得太多)
衛蘭：如果　花開竟不結果
合唱：都不枉往日相處諧和
合唱：夢一同造過
衛蘭：還太快信任情不死
衛蘭：只想逛逛街衛蘭：遊盡天共地
光良：就如童話從開始多麼美
合唱：期望日出身邊那位
合唱：最後還是你

父子圖

Souffle 實在好中意痴住xx..

影呢張相果時佢其實訓緊架

仲有Nermal..

不過佢o係xx 'com'住果張被裏面...

至於Hazel.. 就o係樹'O'訓緊覺

海公公甜湯

南杏鴨梨燉川貝

xx呢排咳咳丫..

咳左2-3星期睇左2次E生都無咩好到..

我呢個賢妻當然要做番d野~~

走去燉左兩晚南杏鴨梨佢飲

(只可以鴨梨, 唔落得北杏, 再落適量冰糖..燉1個鐘 )

第二日lunch time 行落去佐敦裕華買埋川貝一齊燉

仲唔潤到佢入心入肺.

...

神奇地..

咳咳果然好似好好多了

繼續努力先.. 嘩哈哈

background

我本想1月1日又轉下個background架~
但係拖下拖下拖到今日先'的'起心肝.........
今日執緊1月1日既風景相,
希望今日夠時間貼la~

除夕夜

同xx都早收工,

入左大埔行街街, 諗住食韓燒..

但到達門前六時還未到..

就行去豬豬島..

行入supermarket已經改變主意~~

番屋企煎牛扒

呢塊牛扒巧掂丫~

入口即溶,

食牛扒我唔興落汁架!

灑幾粒靚靚海鹽已經好足夠~

配上一日前煲既金銀菜陳腎湯
好好好滿足

就咁, 就渡過了2007

Boxing day~

上左曾氏伉儷屋企xx佢地打牌~

賢良淑德既曾太煮左雞翼同salad做tea~

好好味~

極難約齊既BuffetClub 今次居然齊曬人~

可以齊齊為十二月之星慶祝生日~~
8點半碌落九龍城去永真食飯~
飲飽食醉好滿足


聖誕節咁就過左了~~~

聖誕節

訓到2點~~ xx 煎了pancake 做brunch~

3+4上了GZ 同爹哋媽咪過聖誕..
那一晚, 老2過黎食飯~~
原本諗住煎牛扒,
但xx見到呢盤野樣樣有,

最後揀左佢 煲羅宋湯.. 我煲到好似d女巫果像野咁~
一個個大泡泡 但係好正架

一個鄉里的平安夜

呢排無乜點update個blog..

但其實我一路有影相同諗寫咩架!

希望今年既野可以今年(今日)貼曬 ^^p

********

平安夜~~

去左會展飲~~

新郎係10年前赤臘角既同事,

又係xx 15-16年前既師兄弟

我未去過會展飲~~

地方好靚~~ 望住無敵大海景..

我好鄉里, 飲飲下拎部dc出泥影
呢舊海螺好大舊
食佢已經飽左4/5成~~ 呢個甜品我中意..
出面有芝麻果d係我至愛既奶黃心
好夜先散席, 到紅磡火車站人山人海..
因為加上演唱會散場..
多人到丫~~ 平時放工都無咁恐怖

3約我去滴滴泥

今次入去~~最主要, 睇落雪大街

(今次順no. 出, 唔砌la~)

對於透明既野總有莫明的喜愛

等'chun'遊

無可否認, 置身其中真係幾開心

周遭氣氛好好

去睇4D歌劇

獅子果個show~

裏面又有好多花花影

封場預備亮燈儀式

去shopping~ 漫天飄'雪' ( d泡泡黎架, 但真係又好似wor~)

入場時每人送幅紙眼鏡,
入夜~~ 從眼鏡望出去,

每一盞光都係雪人~~

超正

18:30米奇老鼠亮燈儀式後放煙花

好好睇

總括黎講...都無咩好講..

希望下次能夠同xx去la..

入親去都唔係同佢去..............