家常晚餐 2008_0706

um... 睇落平平無無奇

但呢一餐飯我都幾用心機去煮架..

有义燒炒蛋, 清炒節瓜..

紅燒肉, 同埋薏米牛腱濃湯

.

义燒炒蛋同清炒節瓜就E-C-job la..

個紅燒肉, 要將舊五花腩洗淨出水20min,

沖凍水, 拔毛丫~

其實, 我諗用火熗'嘶~嘶~嘶~' 咁燒鬼曬去都ok的..

但我又懶咩咁逐條逐條拔..

足足拔左9個字!!

我對眉都無拔得咁乾淨丫!!

拔得清有樣好, 唔洗食果d毛襄..

手指來回來回咁掃摸d粗毛幼毛

呢家野, 都係間唔中先玩下好la~

拔完毛, 切條再切粒,

用蒜蓉紅蔥頭起鑊, 再倒入老抽頭抽紅糖燒酒..

滾起放入五花腩不停炒直至上色,

com蓋炆直軟淋..

個湯就用1杯洋薏米+1條牛碾放入凍水煲..

仲要用日式茶袋放入胡椒粒'dup碎'加洋芫茜..

(煲好lau出棄掉)

煲到個個零鐘, 放入已切粒的紅蘿蔔, 洋蔥&椰菜

(其實應該用白磨菇同西芹, 但我更愛椰菜, 故轉

ps. 食椰菜可以對於成日胃唔舒服既人有幫助)

共煲3小時+

煲好摷條牛碾出黎切粒放回

(我中意濃dd所以就再耐少少^^p)

唔難, 但花時間

難得xx極表欣賞, 尤其紅燒肉, 湯也喝了3大碗

第日過左大海也表示念念不忘,

嘻嘻

Hello Kitty Cookies 模

呢套曲奇模

好好好靚靚靚呀呀呀

幾粒鐘的約會

我的舊愛走了, 我的新歡也將要走了

我的舊愛;
由我初相識已發現她非常沒有安全感..
動不動就流淚, 眼神抑鬱,
眼角總會掛著一滴眼淚,
經常滿懷心事..
只要擁著她, 她的小手一定緊緊捉實你衣領的一角,
不會放手, 就算睡著了,
小手也沒有放鬆..
心情好的時候,
她會對你微笑, 輕輕的倚靠向你懷裏...
最後見面那數星期..
感覺到她的轉變..
越來越歡容了

我的新歡;
我投放了只有兩星期的愛..
也要離開我了..
她...性格完全不同, 很容易自得其樂..
總是自在地自處
嘴角永遠含笑
呵, 尋晚度了她的前手臂..
只有手掌心那麼長..
長肉不長長..
一節節小粉團,
這麼迷你, 這麼小巧
實在太可愛了..
昨晚與她呢喃了三小時
大滿足呢

走吧, 不要回頭
默默的向你們送上祝福
以前我會不捨..
十分十分不捨..
現在, 學懂了放手
繼續尋覓我的愛..

ps.呀, 我的舊愛5個多月大
我的新歡剛剛3個月零數天

薑醋連連

上星期六, BuffetClub 有Member 宣佈,
出年年頭佢地家庭將會有新成員,
好'鄧'佢地開心呢~好幸福啊!
***
尋日放工, 收到一個老朋友的電話,
她說剛剛生了, 生了一個女孩子
其中一句,
佢喜悅的說: '佢好多頭髮丫'
做人媽媽了, 好sweet 丫!
幸福滿瀉的感覺!
***
每一次聽到呢d好消息,
總是莫名的感動,
好衷心的'鄧'佢地開心 ^^

Nermal 的鄰居!?

好耐無係呢度寫貓既野了,

因為我都係諗住分番開...

貓野都係寫番去 自動貓世界

*得閒去坐坐啦! 謝謝啊*

而呢度只係寫番d自己野.

但今次呢篇...

要破例寫o係呢度...

講之前, 唔該~

有無人有鏟可以借比我?

我要鏟個地窿出黎... 捐入去, 或者埋左我自己

.

咩事呢? 尋晚, 正正常常番到屋企..

換家居服中.. 見 Nermal 一二三跳去廚房望窗..

佢間唔史都有呢個舉動..

次次跟佢望都望唔出咩..

好, 又走過去望乜

窗邊, 一抬頭,

赫然發隔離樓上單位有人E起牙使勁揮手打招呼

...

我呆左幾秒

個腦諗緊''哦! 原來平時佢望窗係有人同佢揮手~'

但另外一個好大既問題幾乎同一時間o係腦海飄過..

我未換完衫!!!!

除左條面褲未著番條家居褲!!

因為諗都無諗過會有人o係果個位望入你間屋!!!

屎la!!

立即向後退!!!

都唔敢轉身!!!

退到安全地帶,

標入房摷番條褲!!!

定一定神...

拎相機遠遠影低Nermal 先,

'我實在無勇氣行近去呀'

影完,

o係屋企左轉右轉

一路有標冷汗feel~

死la!! 平時o係廚房煮野通常好豪放咁著背心小熱褲..

無諗過會有人望到...

佢望到幾多野呢?

佢望過幾多野呢?

好樣衰呀

好樣衰呀

好樣衰呀

依稀.. 依稀.. 係女人, 係主人定賓賓就唔知la..

佢背光我間屋就鬼死咁光,

無所頓形

***

我立即決定,

呢2日要買玻璃貼紙,

磨砂果d

貼鬼曬果頭d玻璃,

剪一個小圓洞留番比Nermal 昅人算la..

好火羅呀

好火羅呀好火羅呀

隔左半個鐘, 望上去,己經熄左燈

烏燈黑火了

後記:

我其實應該睦鄰, 有善d, 揮番手,

笑下都好丫,

但唔係o係今次呢個moment ... 嗚~

國慶日 Part 2 - 望天望海看日落

水中大鳥丫

天上真係好多飛機..

看見有2架嗎?
呢度同 呢度丫

維港


耶穌光?

國慶日 Part 1 -夏荷

國慶日, 在暴曬及突然灑下過雲雨之間
去左城門谷影荷花
到達都接近中午...

原來,
這是我第一次正正式式影荷花呢

其實想貼三四張就算架la..
但係個心又多,
想貼呢張又想貼果張..
最後決定貼鬼曬算數
可能會有d感覺重覆
因為..
黎黎去去其實都係果幾朵野..

ps. Upload 曬d相相先發現圖片大小無留心揀錯左'大'丫..
今次大張d la..
再upload 一次'中' size 好痛苦的 >.<

我最中意呢張呢 ^///^

呢張手多多, 嘻嘻

呢張看見蝴蝶丫

我想, 荷花一定好香的了
經常看見不同大大小小的蝴蝶飛舞其中

蜜蜂丫
久違了的好天氣

風和日麗藍天白雲

但間唔中又會灑陣雨

荷花拍攝現場

個公園仲一個玟瑰園,

但可能唔arm季節所以無咩玟瑰花丫

續...

Creme Brulee 法式脆面焦糖燉蛋-[第一試]

手上暫時有3個recipe都係整呢個Creme Brulee..

個個recipe 材料比例都唔同...

今次試第一款先

蛋黃砂糖鮮奶忌廉雲尼那籽

隔水焗30 mins

(黑色一粒粒果d係Vanilla 籽)

跟recipe 1/3份量

已經可以分到4碟~.

出爐, arm arm 好凝結..

灑上砂糖, 火槍燒面~(無手影相)

燒完個面仲big-lick-bop-lap

好好玩丫

配上 士多啤梨

看見那Hello Kitty甜品匙梗嗎?

請慢用啊~

食譜跟'五星級甜品' 做的

後記: 呢個笨蛋好似甜左少少,

再整要減砂糖份量