60件兒時做過的無聊事

1.玩米缸，將手插入米缸裡面既米裡面篤下篤下。

我會成隻手隊落去抓下抓

2.在百貨公司入面篤扶手電梯旁的吊牌。

到而家間中都會篤..

3.地下有階磚時，特登隔一格一格黎行(不可踩界，要完全在格內) 。
最中意玩呢樣, 一出界就話跌左落海

4.用錶面反射陽光，照黎照去。
又無咁玩過wor..

5.跳樓梯(愈多級愈勁)。
中二果年係學校跳成大半層樓一次失手要立即call家長帶睇E生-.-''(跌打)

6.行路上高起左地方(例如高起左既長條型石博，好似玩平衡木咁行法)。
呵呵.. 呢個又係間中都仲會玩

p7.鋪張紙在硬幣上面，然後用鉛筆係上面油，油返個形出黎。
有一期興玩呢樣野丫ma.. 乜义义都油一餐 而且用膠水/白膠章填滿個硬幣風乾mit番出黎就成日玩

8.食完瑞士糖之後，將糖紙包番個原本四四方方果個形出黎。
無

9.超級市場踩住架購物車黎行。
有tim… 都好好玩下架

10.踩水”tum”，係好特登果隻。

超pig-lick中意

11.吹口水波
無
12.搣牆上的乳膠漆或牆紙。
無咁衰, 我又幾討厭呢d破壞行為

13.係平滑既地面上面”冼”下”冼”下咁行。
無, 細個d鞋全部膠底, 點冼丫

14.整濕ｄ紙巾，掟上學校廁所天花頂。
無諗過可以咁玩

15.食完綠箭香口膠，一定摺返成張包裝紙，再放返入個大套入面。
有喎又

16.響課室玩俄羅斯輪盤，將玩粉刷霑滿粉筆粉，放係風扇上面，等個風扇轉轉下，轉得怏個時飛出黎，睇下個粉刷中邊個。
女仔唔玩呢樣野架.. d 男同學就有玩

17.放膠袋(當風爭甘放)。
無

18.去後梯執咸書睇，張睇完的咸書撕開飄落街。
又係果句, 女仔唔玩呢樣野架.. d 男同學就唔知

19.貼張龜仔紙嚮同學背背脊果度。
;p……試過

20.踩人地個影。
同妹妹有玩過, 踩對方既影

21.狂踩人地對白飯魚，尤其是大肥仔果o的。
無 =_=

22.用幾條橡筋射同學。
射黑板就有

23.掉人地門口的拖鞋落街。
無咁衰

24.”蚊”消防喉，射水落下面個球場，睇下射到幾遠。
無咁衰

25.擲水彈。
無, 但一路都好想試

26.用氣鎗射街上的途人。
無

27.玩千揪，”fing”到咁上下就飛出去鬥遠。
無

28.落樓梯時坐係的扶手上面”sir”落黎。
無

29.在自動梯行相反方向。
無, 驚跌死好 火羅

30.把”誤投信件”或沒有用的宣傳單張，胡亂放入其他的住宅信箱。
無, 通常會乖乖的放在信箱頂等郵差叔叔收番

31.坐地鐵時，抓緊中間的扶手，地鐵一開動博命繞住轉(自轉)。
無..

32.在月台上鬥快跑。
更加無

33.帶玩具返學。
梗有la, 越違禁越成日帶

34.用圖釘弄穿學校壁佈板。
無, 我無聊但係唔破環野的

35.亂按人家的門鐘，然後鬆人。
無

36.明知過了三歲，仍然不買票，”捐”地鐵的入/出閘機。
無, 媽咪會買飛

37.用改錯水( 很舊的有一個掃那種)附送的天拿水，搽在手上。
搽在手做乜呀???

38.在井字型公屋中間的大天井中放紙飛機，或者放紙青蜒，看看誰放的紙青蜒最慢由廿幾樓落到地面。
無, 無朋友住井字型公屋..

39.煲蠟。
無, 未正式見識過tim.. @@

40.把汽水罐靜雞雞放在校車的車輪下攝住，開車時把它壓扁。
無諗過

41.用螢光筆油指甲。
嘻嘻.. 呢樣試過 ;p

42.向學校d木台上面畫公仔。
無, 我果期興傳紙仔傾計

43.用電筒／雷射筆射落街或者照住d 路人。
無.. 由下巴照上面投鬼就成日玩

44.搣碎d紙巾，然後拋出窗。
無, 但係試過更無聊.. 搣碎d紙巾/紙浸林再重新造紙..吹乾

45.巴士一開車，就同佢鬥快跑（最終當然唔夠快啦）。
無.. =_=

46.落雨擔遮，懶係型咁轉把遮。
yeah~~ 試過

47.見倒d矮過自己既人行緊過黎，會好自然”gut”高d行。
無..

48.將擦膠碎「初」成一粒黑色物體。
將成舊擦膠逐少逐少切碎就會

49.玩冒險樂園o的遊戲（例如籃球或保齡球），企o係最高或企o係跑道o既最尾玩。
無

50. 地鐵出閘果時「捐」過閘口，拎走張地鐵飛當地圖。
無

51.屋企冇人果時，對住塊鏡學人跳舞／做戲／唱歌。
試過丫

52. 同細路爭一d無聊野，例如「美少女戰士角色︰sailor moon係我既,
火野麗係你既」或「四大天王，黎明係我既，所以你唔准鍾意黎明，你鐘意郭富城啦」。
無

53.玩廁所水。
我豪d, 玩洗手盆水多

54.去到公園，係咁撕百千層d樹皮落黎。
無, 唔破壞

55.慢慢行近麻雀到，企圖捉住佢地。
無, 但係嚇佢地就有.. -_-

56.係街見到狗就扮貓叫，見到貓就扮狗吠。
ur… 緊係見到狗就避, 見到貓就扮貓叫

57.趴o係地上扮死，想嚇阿媽阿爸。
無, 博鬧咩@@

58.畫花報紙或書上既畫，為人物加牛角或者胭脂等等..

無
59.拎d元寶當船放o係水上玩或者拋落街。

無

60.用條繩吊d野到落去住下面o個戶人既窗前，然後”fing”來”fing”去，引人注意

好似有瓜..

***總括黎講, 我細個都唔係咁無聊..
好似依家無聊d***