敗家精08曼谷之旅 (Day 4_3/6) 完程

八點鐘出車, 一早落去食早餐check-out,

間房可以終於日光日白影2張相

一切順利,

話咁快就到機場了

排隊check in..
團長更量了大家的行李,

果然全部都係敗家精既敗家精..

等上機其間, xx偷拍到一個靚女..
可惜張相鬆郁矇.. 張相.....疑似...
...
問過當事人post 5 post 得架la..
當事人答

' 都睇唔到樣.. 唔驚你...睇唔到樣OJ啦..XDD'

不過, 為保持神秘, 都縮細像數再打了格仔, 嘻嘻 o係機場再食杧果糯米飯同一直都食唔到既魚旦粉/麵..
上飛機了, 出面個天好藍好靚,
用dc影呢2張相完全無執過架!!
今次我地坐前面..
o係飛機度我無聊反手舉高部機周圍影..
睇張相相見到後面呢個人望住入鏡..
ur... 唔影la..
平安番到屋企..

今次個旅程過去了.

敗家精08曼谷之旅 (Day 3_2/6)

到第三日, 朝早食完早餐,

同Angel 兩姊妹拜拜四面佛,
打聲招呼

嘩, 四面佛保佑, 去到好好太陽..

xx同我都只係上左香, 無野求丫.. 然後去左BiG C, 買指定用品, 牙膏丫.. 口香糖.. 漱口水.. 少少公仔麵,

泰文字既糖, 榴槤糖丫, 榴槤乾丫.. etc

仲買左魚雷<<--[一尺長粉絲丫!!]

Red Blue 送你一對翼好平丫, hk賣around 14.5

果邊港幣約2.5!!! 不過可惜玻璃樽... 咁重又易爛, 唔買!!

又同xx去研究d米.. 逐隻逐隻望..

見到我地食開果隻泰國茱莉皇室香米..

平hk 果幾蚊only, d 米又啞啞地唔晶瑩..

好似運黎hk賣果d仲靚...

買完野, 同Angel 兩姊妹打的番酒店放低d野..

佢地買左好多奶粉丫...立立雜雜...etc

番到酒店等埋鴨, helena, 佢地都要番黎放低野..
呢段時間落勁大雨, 又行雷..

細雨少少, 大家又出發去MBK會合菲菲佢地lunch..

三點幾四點, 想搵食多士果間見唔到,

見到有間泰國火煱, 照衝左入去食..

最好味係碟燒味拼盤,

淋左汁d燒肉都脆卜卜, 個汁又好味~ 又自由活動, 買左好多野, 又買左好多T-shirt..

又買到xx想搵既波衫.. 好重..好彩有人拎....

話咁快又到晚餐, 呢餐係食菲菲既生日飯..

去左間好有情調既意大利餐廳食..

食完飯, d 侍應俏俏送上蛋糕, 圍曬上黎唱生日歌,

好好好正啊!!!

(我趕得切成個過程開機錄, 由侍應慢慢走近開始,...

唱完歌先發現沒按'play'....

真係xyz....真的很想叫replay..)

甜品.. 入夜, 有第二輪慶祝..

原本, 酒店應該凌晨12:00正拍門送蛋糕..

我地再衝入去..

點知, 個蛋糕一入房就o係度,

即刻變plan b, hold 住主角o係另一間房.. 再....

總之, 成個過程好刺激, 好sweet, 好溫韾, 好浪漫la..

仲出動警察先生拍門'查房', (呢段有錄低架!! 嘿嘿嘿)

哈哈 跟住, 就去對面房做d犯法野...
好la, 三日既血大合照...

一影完相, 就一二三拿拿林執好了..

都話la, 我個袋真係大過個喼架!!!

敗家精08曼谷之旅 (Day 2_1/6)

第二朝, o係酒店食早餐, 好多野食,

食到飽飽出發去翟道翟..

之前, 佢地警告過xx好多次果度好熱好熱, 佢一定頂唔順....
到達目的地, 好快同佢地走散...
越行越遠, 唔知行左邊,
越行越熱, ..
xx反而無咩樹, 心情仲好ok, 可能佢有曬心理準備瓜...

溶果個係我.. ... ... ...

我地行過寵物區, 見到貓貓, 狗狗, 松鼠, 箭豬, 雞仔鴨仔...etc
見到幾次 Hello Kitty (當然係老翻) 既有頂貓床,
問過幾次價, 都麻麻地吸引..
玩具多的是, 但都好粗糙, 買唔落手..
又o係廚窗見到revolution, 595b 一盒,
應該有得講價瓜, 無問到,
見到d小貓小狗好似街市裏面d雞檔咁密質質,
好淒涼.. 人地掛住塊紙話唔准影相,
所以無影到丫..
又見到地下一個一尺籠, 裏面有5-6隻約1個月大既小貓企下訓下,
多口'喵~' 一聲, 全部立即撲到籠邊望住你叫救命.. 好慘..
.
我見到一檔賣一紮紮膠袋的,
有我至愛既灰紫深紫色, (垃圾袋)
好想買, xx唔比買,
唔淮千里迢迢買百幾二百個垃圾袋番香港用黎裝垃圾..
哼...
飲左個椰靑, 又買曬d手信,
見到車站在望, 打比其它敗家精話走了,
約o係車站等
點知, 行錯路, 原來行左反方向, 越行越心急..
唔知去左邊, 知奶野, 要問路先番到出去...


老貓燒鬚耶..

我認路唔差的, 方向感亦都唔錯的..

要佢地等番我好耐真係唔巧與樹..
番酒店沖過凍水涼, 過左酒店隔離果個duty free,
之後跟鴨去Emporium 食lunch,
原本想食Lemongrass, 但係佢有中場休息..
行左2轉望門輕嘆..
我地三顧'草'盧丫
行左令人好迷失既naraya.. again..
又去商場買到我想買既薯片memo紙,
行埋supermarket,
...

夠鐘去 Asia Herbs 度 又massage la..
xx揀左2個半鐘既 Asia Perfect for Body, 磨砂推油草球..

我就揀左2個鐘既推油+草球..

couple room, 中間隔住塊木板, 好想拆左佢.

我超勁中意個草球d味..

按按下都忍唔住攞黎索兩啖..

(可惜, 1個草球只keep 到5-6日, 唔可以買番屋企索)

話咁快, 兩個鐘就過去, 又沖過涼先...

頂x100, 開極都開唔著個爐.. 無熱水, 好攞命..

個浴缸又鬼屎咁高要上兩級, d 磚又滑, 水又弱..

除左個浴室, 呢間野ok的

夜晚, 齊人, 終於去了Lemongrass 度dinner,

(當晚dinner一張相都無影)

第二日既血, 都唔係好多者..

(Ring, d bb 衫你bb 架 ;p)

敗家精08曼谷之旅 (Day 1_31/5)

勁好好好好彩,

今次呢個曼谷遊原本係o係31/5-3/6 或者7/6-10/6兩揀一,

如果, 我地揀左個黑雨長假期,

唔知搭A車既我+xx會5會去唔到呢... 不敢想像 >.<

差5多個個都寫了遊記了,

我懶, 到依家先寫, 出埋d相

唔會好詳細了...

******

五月三十一日, 陰

呢日係同xx拍拖第11年紀念日丫!!

晨咁早搭第一班車, 諗住無咩人可以o係車上眠一眠,

點知迫爆, o係車頭企足全程..

6點半, 到達check-in,

跟住一齊食早餐, 影左大合照, hea 左陣,

就上機了..
737, 細機, 我地坐曬最後兩排..

好靚既天空丫

10點幾, 話咁快就到, 落左機, 講開話要唱$$,
呢個拎d yen呀美金呀出黎, 果個拎d波紙?出黎,,

攞齊行李了
(看見我那小巧又help 既hello kitty 粉紅色小喼子嗎? 哈哈)

我地就係住呢間酒店la,
上年十月先開, 好簡潔, 好新淨呢

兇者黎會左我地, 齋腳,
又影張合照先

放低左行李, 中午去siam食網燒.......
自由活動 行左一陣,

去左好令人迷失既naraya.. Harnn

之後去tea.. 跟住, xx同我就同Helena, 兇者, 鴨鴨去dvn-d

我同xx都試左Turquoise Detoxify,

我一路以為係滴頭油, 原來係頭泥.. 洗番乾淨洗到我呢...

o係揀做咩時比左間獨立房我地慢慢揀,

我地又影下相..

其間入黎放低左d磨砂, 我地聞丫試丫索丫,

揀埋先發現無人做磨砂... 影呢張相有側影添架.. see here

見兇者 咁樣影左張相好靚, 照版煮碗又影張 入去massage 之前灌左2杯凍花茶,

趴o係度個胃有少少頂..

出黎就有菠蘿西瓜同蜜水飲.. 成肚水 waiting room 望出去, 好靜, 幾舒服
因為間野慢吞吞既關係, 我地去食dinner 果度會番其它敗家精

足足遲左成粒鐘, 佢地已經食左3 round,

間餐廳叫SpringnSummer, 環境野食都好正

呢相兇者影既, 所以佢無入鏡
最最好味係個甜品,

食唔倒 Waffles Apple Cinnamon, 食左個BTS?

佢地有d食Cup C malt, 話好好好食

(呢個係我既甜品, 好好好好味, 要搵機會試下整5整到千, 嘻嘻)

等的士番酒店

咁~ 就過左一日了

第一日流出黎既血, 好少者~