近況

早幾日又入院住一晚再出院黎..
尋晚又黎一劑..
(呢樣遲d先寫)
篇生女記終於寫到做手術果度,
就快大功告成..
果3日有d時空人物我記憶模糊..
要反覆同xx, mami求証d內容..
我希望可以寫詳細d..
留作一個回憶記念
丫囡今日塊面仔出左d粒粒(胎熱)
希望到禮拜日d姐姐ee黎既時候退曬la..
佢好似長左好多..
依家52cm…
遺憾出世果時無度佢幾長..
眼仔唔再迷迷糊糊無焦點,
同佢講野佢會望住你~
肚餓就扁嘴..
食飽飽就笑
名就仲諗緊..
人仔大得好快~~
日日對住都覺得佢唔同~~
珍惜ing佢每一個轉變

2009果皮

囡囡2009出世,

公公婆婆話要整果皮比孫孫,
第時囡囡大個, 比佢做紀念&嫁妝~~

囡囡出世第二日一大清早佢地就去買新會柑,

番屋企逐個洗淨拆肉穿起上天台吹

armarm好有北風風乾,

婆婆9號手提送黎我屋企拆繩入盒(辛苦媽咪la..)

呢盒老油雞架~

佢囝囝Cedric都係2009 bb~~

一盒老油雞, 一盒我既, 另一盒3年後諗住同老油雞藏茶用

藍色果2盒係囡囡.. 唔關我樹

今年只能幫手穿..

整上癮~~出年我想再整一批~~

自拍照

每朝xx番工後,

餵完奶我會放佢o係我地張床一齊眠1眠~~

不過我日日都眠5倒..

淨係痴痴地望住丫囡~

呢日見佢頭仔向住我..

諗住自拍張母女對望la~~

點知影果下丫囡armarm笑~~

呢張相我好中意丫!!

仲做埋wallpaper~~

xx夜晚番黎見倒妒忌到不得了, 哈哈!!

十二朝

唔經唔覺丫囡今日十二朝la!!
今朝同xx同丫囡去健康院磅重..
媽咪就o係屋企幫我整定d食物.
全日D阿e/e丈媽咪d friend 親朋戚友上黎食雞酒薑醋
日日夜夜對住丫囡d時間都好似唔夠用..
不停換片餵奶d時間過得飛快..
丫囡日日唔同樣, 一日一日長大
仲寫ing生仔全紀錄要比d時間我... 寫極都未寫完...-.-‘’
丫囡又喊la… 要收筆…tmr 繼續寫

<薑醋>

<雞酒>
<十二日大既丫囡>

又黎?

15mins前去toilet又見到'徵兆'... 今次個肚有d酸tim...
好想當唔知, 上番床繼續訓..
訓唔番.. 又出番黎上下網...
丫囡... 你係咪要出黎la?!
係就快la, 你老豆今個week係short week 丫!!!
再有'徵兆', 就要叫醒xx陪我入院la!!
好緊張好緊張~~
都係扮無事番上床訓下tim...
***
弊la!! 3間餐廳都煮落菜, d菜仲未起得tim!!!
(假如...假如萬一我中午入左院, 陣痛ing.. 打比人叫人幫我收菜會5會好變態?!)

ps. 好彩前日食左KFC~~

等待心情

早2日出現左又好快消失既徵兆後..
依家每一日都緊張又期待..
仲有d驚.. 唔知幾時再出現d徵兆..
今日已經38w2d...隨時生得..
一切really好... 淨係等丫囡幾時出黎見呢個世界...
成個挾持人質既時段好快就會過去..
身在其中感覺好漫長..
但當面臨完結又覺得過得好快~
可能我呢一生如再無'意外'既話就只會經歷呢一次既懷孕期..
呢個懷孕期發生左好多變動,
都無驚無險過去了..
最最感激我父母..
無微不至的照顧我..
佢地仲開心過我..
媽咪幫我洗曬曬'太陽'消毒曬熨曬挑曬d頸位招紙bb衫..
一份份分好入袋..
覺得我需要d咩就幫買埋車埋..
周圍再探聽有乜可以幫我進補調理
爸爸知我長途車易唔舒服番半日工就多數車埋我番屋企..
好多細微既野好窩心我會銘在心..
xx亦都變左dd,
講唔出佢點變.. 感覺佢思想唔同左...
佢依然嘴jell jell成日話我點佢做野..
但佢次次都無托手琤事事辦妥(大大小小)
(不過我都係做唔到先叫佢做架乍~ :p)
尋日同佘姨姨+mami lunch 佘姨姨話發夢我生左..
佢開心到醒左..
然後上埋我屋企話摸熟架步到時黎幫手..
聽落都好受用 ;p
丫囡丫囡~~
你未出世已經咁多人寵你錫你
你要乖乖的順順利利的出黎丫..
仲有.. 仲有12日就到預產期..
等我好好享受埋呢段同丫囡o係我肚內血脈相連心跳同步既美好時光

。。。疑似

好似有少少徵兆..
但我又唔sure呢dd係咪徵兆...
轉頭又無左...
觀察多陣先..
擔心ing.
訓5番.. 上下網先...

ps. 我掛住我間餐廳d菜仲未煮好丫...

pps. d徵兆消失左.... 未係時候瓜... 08:00 & 11:00

我的'大肚腩'

仲有2個禮拜生得既我居然仲有人誤會我個肚係肚腩... T_T
事源.... 上星期六晚去左大埔食飯..
同埋有個好耐無見既姻親食左成晚飯..
臨走講開呢排點點點... 我媽咪講開跟住會好忙...
因為我仲有2個我禮拜就生架la~~
佢地好大反應咁'嗄!!!' 跟住恭喜我+我丫媽..
再話唔好意思, 無留意倒..
只係以為我肥左dd...
...
無言-.-.. (可能我果晚件衫夠鬆瓜..)
xxo係現場.. 笑到佢屎屎下...

口水巾

今日再收一批新口水巾...

不過仲未齊架, 仲有紫色既未買..

會5會變態左dd ;p

無聊記事

因為樓下裝修既關係~
尋日我又一早出左街~
搵爸爸再去太古城行街..
基本上差5多個個星期都走去打個轉..
(我超中意行太古城)
***

自從上星期行太古城間H&M見到有HelloKitty既bb衫賣..

今次又再心思思入左去..敗

乞人憎.. 又要我一袋二袋咁走.. 討厭...

***

上week買左個手提吸塵機..

方便好多, 一見有塵就拎起吸

跟住即刻倒埋~ 正!

我屋企原本果個係水濾... 非常好用,

但麻煩呢, 要次次洗...

依家可以間住用

或者等xx o係屋企先用

***

今次老二+三送左盒巨野我個b..

好靚, 超中意~ 多謝曬

再買埋d鎖鎖碎碎既野

應該行完今次可以忍一排先再去行了~

***

之後去旺角..

食左串想食好好好耐既牛肚..

再食埋朱古力雪糕窩夫..

極滿足~

***

夜晚~ 丫囡o係肚碌得好勁, 撐得好行..

叫xx放隻手上肚皮感受下..

一放手上去丫囡郁得仲勁~

好似要同老豆玩咁~

xx話覺得郁得有d hung怖,

但佢都按到丫囡唔郁為止.. hehe

***

咁既放肆適意日子仲有幾多日呢?

腰酸

終於~~~ 覺得腰酸..
仲有僵直..
做少少野條腰都覺得硬...

BB蕉

尋晚去左Sana屋企個天台BB蕉..
Sana又大個左dd..
佢d反應又多左..好可愛丫 ^o^
吹住微微涼風~~
放肆地食左好多野. (基本上我其實日日都好放肆 ;p)
無數隻雞中翼(香茅/南乳/鹽焗/蒜蓉..etc)
好多罐汽水...
捧腹大笑左好多次..
好正丫! 今日仲回味中~~
但我覺得我開始比較論盡..
水腫嚴重左
超易攰..
個肚好易抽緊..
仲有預計2-3weeks 既自由自在既日子
都係要乖乖的, 深閏d...
唔好用盡d quota..

***

另...
妖夾頂!!
開始放產假,
樓下日日鑽牆dup野拆野
鬼c咁勤力, 由朝嘈到晚~
真係令到我成日暴燥不安..
好易猛...
不過, 另一角度可以諗依家日日嘈左,
遲少少丫囡出世果時樓下已鑽完嘈完..
會好過到時先嘈..
但係我依家都係好憎d聲丫!!!

ps. 咪la.. 聽日都係出街避1避吧la!!

容忍係有限度的!!

是可忍，孰不可忍
唔諗去cwb/九龍城買蟹..
o係屋企附近d百佳華潤都見到五豐行d蟹櫃都忍得住..
做乜樓下間意大利餐廳門口都擺個太湖蟹櫃出黎架!?
關咩事呀? 驚我唔屎丫?
唔好比我見到咁多大閘蟹得5得丫... -.-''

倒數一個月

走佬袋執好架la!!
(一執好走佬袋果晚就發夢生左 -.-'')
一個月後既今日,
就係預計釋放人質既日子啦!!
仲有30日.. 好似好快咁...
其實到呢一刻依然未係好真實..
一日未見到個'實體'感覺依然飄渺..
(雖然成日隔住個肚皮已經見佢彈彈彈...)
我十分享受佢o係我肚內既日子..
feel到佢每一下動作都好開心~~
星期初既時候突然有1.5日明顯感覺佢郁少左, 無10次
(e生話12個鐘最少要郁十次, 如果無, 要入急症check.)
果日好擔心.. 中午已經諗住即book 私家照丫, 一還是入急症..
好彩午後突然又郁得多番.. 嚇c禾
依家d日子過得越黎越快..
做女王既日子好快就要過去la..
等... 期待見到你.. 又唔想你咁快出黎..
忐忑ing..

叉燒

發神經, 焗叉燒~

今次買左梅頭唔夠肥,

下次要買腩梅焗

心急, 麥牙糖上得唔夠多

今次一般般

要再試~ hehe

我的曼聯bb女

上年xxo係澳門做野,

去行曼聯專門店,

無諗過會有小朋友/bb既我,

已經好想買果d bb 包被, bb衫仔, 口水巾..etc 黎收藏..

當時, 比xx制止左...

依家有用la!! 不過粗身大細,

又無時間過去買..

(一早比我買咪好lor!!!)

早陣子菲葆媽過過去,

拿拿林托佢買,

但原來無紅色得白色, 我尤疑白色易污糟.. 放棄了..

(thx 菲菲丫 ^3^)

***

怎料, 鄭氏伉儷之後過去帶左呢set 番黎比人質做禮物~

我始終都係擁有了佢 ;p

多謝鄭生鄭太丫!!! ^3^

遲d我要去買埋d衫仔, 口水巾, 床單, 毛巾...etc

煲薑醋日

今日, 媽咪帶埋2個紅煲, 10斤薑, 40斤醋同老二老四上黎~

呢度共有20斤薑...

5個人一齊刨...都刨左2個鐘 @@''

終於刨完la!!
跟住要拍~
激讚xx負責拍薑唔比媽咪拍,
拍成廿斤薑,
拍完佢手都無力..
如果我媽咪夾硬拍, 佢手又唔係好,
而且佢一定死撐...
yip完炒完入醋la~

1大2小共3煲o係我屋企..
媽咪同奶奶屋企會再另煲

滿室薑醋香, 勁正!

我已經想偷飲~~

(日日翻滾我驚我忍5倒丫!! ;p)

老油雞~ 3個紅煲係咪好壯觀呀?! XDD

ps. 刨薑果時Souffle 係都要哄d薑皮..哄完係度自high,,

好似high左貓草咁,反肚又反轉,

反而Hazel Nermal 就採取觀望態度,

同d薑一路保持安全距離...

產檢+薑

尋日又到健康院產檢, 34w3d la~

今次xx請假陪我去,

去聽埋入院須知既講座..

聽完點護理傷口等等果dxx話佢個肚'yuen'喎.. -.-''

今次姑娘話丫人質個頭仔已經轉左落去入左位la~

咁即係肚上方成日bell 出黎硬轟轟果舊係佢個pat la~

可以打 ^8^

佢&我一切正常,

又係唔洗1個鐘就走得~

***

跟住, 去上水會媽咪+老4 tea~

然後去買薑~~

媽咪行左有廿檔先決定要呢間本地薑丫~

姨婆教佢揀d薑要有少少泥,

太乾淨光身肥dodo果d多數台灣黎,

浸水洗去泥無本地/大陸果d咁有薑味喎..

好貴丫, 貴我平時買果d成倍..

不過真係好靚~

我拎左10斤番屋企 (xx拎la當然)

媽咪買多6斤, 依家佢屋企有16斤..

(佢呢排已經成日幫我頻頻撲撲,

自己去元朗買左10斤薑拎番屋企,

又去姨婆度拎1x個玻璃樽..etc

好重好重丫,

呢d重野寧願係我去拎, 辛苦曬佢丫都未停過..)

聽日, 就開始刨薑大業la!!

吹漲.. 圖

尋晚坐o係梳化果時無聊影

由我下巴影落去

呢d咁既'肉'照,

要blur 1 blur 先貼得出黎 XD

34w3d

吹漲..ing

上兩個星期先同xx講開,
個肚都唔係咁大,
仲有d肚腩feel~
由果日開始..
就好似中左''獎''咁..
個肚明顯地一日一日長大~
仲郁得越黎越大幅度~
有時郁得好大動作,
有時郁得好出奇不已..
會有'哎唷' / '嘩嘩'的感覺
不過我極享受呢d'習'擊~
好得意~~

咖啡

coffee~~ I miss you so much~~
無乜咖啡癮既我突然好想好想好想飲杯香靚滑既咖啡~

唔抽了

無樹無樹~~
尋晚半夜上左床訓到依家無再下腹抽緊了~
嚇c禾

八號風球

今晚八號風球, 33w5d,
好relax咁訓o係sofa睇碟..
期間,下腹隔一陣就抽緊,
唔似平時丫囡郁d感覺..
又唔係好下下腹...
um... 唔知點講邊個位... 總之, 就係下腹...
希望只係我今日既坐姿唔好, 成日向前傾~
丫囡依家抗議, 拳打腳踢ing...
或者係咩假'宮縮之類...
我乜都未執架!!
咪la~~ 聽朝拿拿林執好個走佬袋先~~
今日先覺自己退緊d腫..
人地話3腫3消先生得,
我先第1 round 乍!!!
(((o靚妺)))
你住多個月多ddd先好出黎呀呀呀呀!!!

炸炸炸

上星期五晚同班貓友又去食炸炸炸..
我諗食埋今次, 都無乜機會會特登去食架la~~

要影低d炸炸炸留念先~~

炸炸炸由來...

次次都要叫既

影張相都差d無得食..
炸魷魚拼南瓜
1分鐘內...必叫: 士多啤梨骨~

正~
仲有其它唔關樹唔係必叫既唔影la~
同班貓友o係呢度食唔少飯,
咁多年都係次次笑住滿足地離開~
都係果個字,
(((正)))

禮物與新貨

多謝夏EE~~ ^3^

勁中意口水巾同外套丫!!

多一個HelloKitty奶樽,

唔知我又捨5捨得用呢?

一個用一個儲好5好呢?

以下呢do係淘生度訂的,

好掂好duck丫!!

呢期我唔知點解好中意d青bb+青蛙既野...

芭蕾舞夾衣

紫色銹花邊既底底

d衫仔越睇越中意丫!!!

奶煲

要o係7日內試下個奶煲work 5 work,

試左la!! 正常~

好似好好玩咁 XD

bb衫

mami 叫我拎曬d bb衫+比丫b用既毛巾番娘家,
幫我洗1洗再曬太陽消毒~ 挑走曬d logo, 再熨好比番我..
早幾日天清氣朗~~ 陽光普照~~~
佢洗好曬好之後~
跟住就'開始哦我la..
剩係計我自己買果d,
我再生3個都著唔曬...
弊傢伙la~~
我仲有一'小'部份新番既貨
未比佢'睇倒'...hehe

Hello Kitty 整型模

好靚丫!!

忍唔住~~

買定第時整丫囡飯盒用!!

係咪好大個藉口呢

哈哈哈哈哈哈哈

是晚例湯 : 冬瓜響螺雞腳湯

早幾日煲左粉葛, 今晚煲冬瓜

材料有:

冬瓜

響螺 (汆水去醒)

雞腳 (去甲汆水去油)

蓮子, 茨實, 蜜棗

貴妃骨

荷葉 (具有解暑去燥之效)

薑, 陳皮

今晚xx飲第一啖話好味,

但佢話好重藥材味...

奇怪,,, 邊樣係藥材 @@''

吉吉島bb展

尋晚去左大埔吉吉島既bb展,

半年一次, 再加上是日為感謝日, d野特價後加95再95..

好彩早dd放工, 早dd入去..

d貨已經剩番5多,

一見arm用就要'立'上手,

轉個頭就無曬貨 @@''

我睇中1set bb床單床com床圍..total 7件,

係紫色底+多貓 pattern!!!

又無貨, 要訂, 又要等!!!

我賴死o係果度好耐, 唔捨得走...

摸住套display, 又5想買套display,

人人都摸過...

最後, 買左奶煲, 沖涼盆, 奶樽, 又買左dd衫, 洗衣粉...etc

仲有好多野想買, 但係已經拎5倒, 人又多,

都係放棄...

比左$$, 去食dinner~~ 再番去拎野,

望多次有無野買~~

又買左件hellokitty 底衫比丫囡..

番到屋企, 過海關先~~

再睇番, 都5係好多野姐~~

就係呢件HelloKitty 底衫底褲la!!
我好中意呀!!
仲有呢隻夕膠牛牛口水肩, 我想買好耐了 蠢丫, 今次咁平,
應該買埋白色果塊... >.<奶樽買左2set, 1 set 好似太少, 2 set 又好似太多...
其實仲有細樽未買,
不過都係遲d先
仲有好多野未買架,
幾時再出動好呢?

準婆婆的第一份玩具

mami 買左第一份玩具比佢孫孫第時掛o係床邊玩~

影低係乜先

題外話:

果日我扯扯褲頭條橡根..

輕輕力'拍'番個肚度,

已經比佢鬧,

話彈親佢個孫孫,

裏面會好響, 又會整痛佢...etc
哼!!

***

我買左對淺紫色既手套腳套,

好靚丫!!

不過影出黎d色好怪...

另類文化

同老油雞天各一方大半年了~~
我地並無因為距離而疏離..
依然聯絡頻繁,
msn, email, 電話...etc
見到arm對方用既野就mail 去對方度,
不管對方買5買倒, 件野既價值..
空郵黎, 空郵去
依然變態...