我的bb糊

每一次好病好病的時候,

睇完西醫食藥要訓,

一個人o係屋企又想唔倒睇火,

就會用電飯煲煮落'杰撻撻'既飯仔,

做我未來幾餐既主糧

我d妹妹bb時mami 成日煮呢d糊仔佢地食架,

千變萬化, 勁香勁好味,

我以前成日偷食架........

好'核突'咩? 我又唔覺bor!

拎番公司食, 個個望到都話核突...

但我真係好中意好中意食...

上門'煮'食 (Day 4)

個心想左幾日, 整個芝士蛋糕比mami 番到屋企食, 果日母親節丫..

但一路都無時間,

個蛋糕焗完要雪6個鐘,

星期日朝早先買齊野又買左餸,

諗住焗完先拎去雪..

個人好心急, 好心急

搞左一輪, 終於放得入爐,

o係呢個等待時間,

洗洗切切d晚餐料..

但係, 過左35 mins, 個蛋糕面仲好生...

跟足個recipe, 無辦法

唯有+10mins 再+10mins 再+10mins

終於, 出得爐la!!

但點解個面咁高又裂既!? 但當我由個盤移入個紙盒時...

發

生

意

外

..
太心急la!! 跌散左!!

嗚...

註: 高又裂係因為呢款蛋糕唔應該用電動打蛋器,

唔應該打d空氣入去, 我太心急一開始就錯!

*這是同老油雞之後商討的結論*

(我當時居然仲有心情 影到相!!好變態...)都無計, 唔夠時間焗多個,

那那林番入去煮飯,

我想左好耐架la, 母親節煮餐飯比mami食,

雖然只係普通既家常小菜..

遲d, 要再焗一次個蛋糕比mami

今次病到頭暈暈, xx幫了我很多忙, thx ar

果日一入門口既刻衝入廚房搞呢搞路,
Mic Miw 都feel 都唔同,

晚上一見佢地入門口即時生猛曬,

勁痴勁嗲佢地丫

ps, 即時拎埋手信走, 嘻嘻

上門餵食 (Day 3)

Angelo 依然沒精打采...

但Michel 已經識時務者為俊傑,

表演據聞每天只演一場,

一路瞪大水汪汪的眼睛望着你一路抓抓
希望快d食晚餐...

同 xx一齊入去, 逗留左9個字,

就碌去五豐行了...

上門餵食 (Day 2)

並沒有預期中的痴身

兩兄弟都一面悶悶不樂...

Angelo : ' 好掛住佢地丫~'

陪左佢地2個鐘, 再出元朗會xx..

弊傢伙

追退兩難..
點算好...點算好...

今朝

有時, 真的很火.

上門餵食 (Day 1)

尋日, 一放工就衝入娘家..

趁天未黑快d搞掂花園果part,

天氣好靚呢, 沿路藍天無雲

...

在途上

一到屋企門口未入屋手袋都未放低,

隔隔離屋既白mi 已經un 下un 下咁小步跑衝過黎,

一路行一路大聲喵喵叫

(如果你有喇叭可以聽到佢把聲)

一d都唔怕生..鬼咁熱情~

.

呢隻肥妹我同佢其實見得好少面, 唔熟架~

反而我屋企人就成日同佢玩,

但係, 尋日佢目標明確咁直衝埋黎用盟主般的嬌軀依偎我腳

有無咁嗲丫, 比班色魔姐姐見到你實唔得掂~

.

不過白mi 好乖呢, 我入花園入屋就唔纏了, 靜靜的企o係門口,

今晚要請條魚魚佢食先~

.

Michel 見我入屋, 仲一路望住個門口, 等佢地番丫..
等~ 寂寞到夜深~
夜已漸荒涼~ 夜已漸昏暗~ 原本~ 原本我諗住買個飯盒入去食,
但到上水時間啱啱好有村巴,
無買到丫,

.
入到屋肚餓打開雪櫃睇下有咩la..

有煲唔知d咩,
有碟隔夜飯,
佢地4日後番黎都變la,
好! 唔好side炒左佢食先~

.
午餐肉太大罐都係唔開la,
煎隻蛋加d豉油就食la~

跟住, 打比老豆,
‘daddy~ 我攪掂d乜野乜野了, d乜野乜野洗5洗咩呢.. etc
…
對話中…
…
…. 係呢~ 你地食左飯未呀? 食左d咩黎呀?’
‘我地啱啱食完和牛丫(和牛!!), 你等等, 老4搵你’
‘大家姐~ 乜乜乜乜丫, 你係咪買左飯盒食丫?’
(我之前話比老4知我會買飯盒入去食, 唔洗趕住走, 可以陪mic miw 耐dd)

‘.......我食緊雪櫃碟冷飯.’
‘吓, 早知尋晚唔洗夾硬食埋d三文魚籽la,
淨番少少我地仲諗住唔好side添, 食曬la~
係呢, 雪櫃有煲咖喱, 你煮熱食丫’
'um…, '
‘不過, 今次煲咖喱mami用生果整架, 有香蕉, 蘋果..etc.’
'@@''' ……我差唔多食完la… 留番星開期日你地食la~’

我… 係咪唔應該食住飯打呢個電話呢?
最低限度, 走果時或番到自己屋企先打係咪會好dd呢 .. 哈哈

睇完同事三分親, 八點幾走, 鎖好門, 行一半,
擔心未關燈, 番轉頭,
開門、安心、鎖門,

又行到一半,
發現無拎垃圾揼, 又要番轉頭…

行到去車站, 摸摸條褲,
弊傢伙, 無拎手提.. 剩番1分鐘村車就到,
仲番5番轉頭拎呢? 好掙扎..

最後, 都係屎屎地氣番轉頭, 走埋班車……

********

Angelo 無乜痴我丫, 整晚離我遠遠的
驚我哦佢瓜, o係飯檯嘔…
反而平時見親我好似見鬼咁既Michel 一反常態,
o係我附近氹氹轉~
屋企自養左佢兩個未試過夜晚間屋無人架~
唔知尋晚靜英英佢地驚5驚呢?
今晚再見到我會5會攬住我呢!?
嘩哈哈哈哈~~~

母親節Part 1

尋晚, 同奶奶叔仔佢地食母親節飯,
我太早到, 行街街買左呢款好得意既貓貓髮夾..

今日夾左上個頭度,

又覺得cute 得滯, 好低能~_~''

果個商場做緊美食攤檔,

無聊遊1遊la,

點知見到'陳意齋'都有counter!
立即兩眼發光~

買左少少零食la..

又買左好正好正既蝦子扎碲la,

蝦子扎碲o係屋企無影相丫

盒燕窩糕買比媽咪既, 佢中意食呢隻野架!

比完錢錢先話我知要呢2-3日食完

日日新鮮製造, 一放耐左就會變硬..

哎~ 唔知盒糕捱5捱到星期日呢...

好想買盒比奶奶, 但佢次次都叫姑仔食曬佢,

佢自己唔食..

食完飯, 叔仔拎左個蛋糕出黎
佢自己整架~ 一貫高水準&好好味
個餡呢, 係芝麻mousse, 加超薄二層蛋白蛋糕
勁香, xx, 我幫你食左d架la~
個蛋糕好大個, 尋晚只係食1/4乍..

感覺怪怪的

今日舉目無親丫... >.<

xx聽晚先番黎..

媽咪佢地全家去左旅行

責任重大丫我, 呢幾晚番娘家餵貓餵龜餵雀~

兩間屋企既所匙得我有,

千萬要袋得好好,

我一得閒就摸下揪所匙,

有dd神經衰弱 -_-'''

早2晚番娘家食飯,拎左湯同飯盒,

尋日'ding'左唔捨得食,

放涼放回雪櫃,

留番今日配合今日既心情食..

嗚, 我好無聊低能丫..

Nermal 的思念

每當xx不在香港的日子,

Nermal 總是悶悶不樂..

暮氣沉沉的樣子~

當xx周末回家時,

情況就不同了~
無論坐在書檯櫈還是梳化,
Nermal一定黏着他,...
這還不夠...
....

看到她的右手嘛, 還要攬住他...
個多小時也不動...
xx不動她也不動~
可真癡纏呢..

奶黃水晶飽

水晶飽我獨沽一味只愛奶黃餡

呵呵, 又搵到個recipe,

試下整先

整到一半... 先發現屋企無木棍..

唯有'按'平d皮, 但係都係偏厚...
口感都ok,
下次d皮薄dd,
澄麵生粉比例要再改良,
我想晶瑩通透d丫

ps. 媽咪尋晚送左支麵粉棍比我.. 嘻嘻

扁柏

自一棵唔知咩咩既紅綠葉植物枯了之後

個窗台巧吉又好'行'丫

今日, 終於'的'起心肝,

去花墟抬了四棵扁柏番屋企..

好耐無去花墟了!!

以前個個sat 都去打個round架!

自養了班大帝後,

咩花花草草都唔可以買了

翠翠綠綠的, 好靚丫

開爐晚餐

今晚, 終於第一次用個焗爐,

先試試焗肉丸~

我實在太中意呢隻汁,

點都要煮d字母粉黎撈~

呢份xx的

呢碟我既! 大量的汁
當我食到興高彩烈的時候,

xx突然同我講, d肉丸多數混有其它肉..

例如袋鼠、鱷魚、兔...etc
我反問: 邊會有袋鼠丫! 瑞典wor!!

佢話: 咁仲弊.. 老鼠肉!!

明知多數唔係,

粒肉丸依然立即o係喉嚨不上不下..

衝去雪櫃拎包野研究,

只有牛肉, 豬肉, 洋蔥..etc

xx已經哈哈大笑,

乞人憎到爆!! .\/.

第一個蛋糕... 古典朱古力蛋糕

wow~

食完個晚餐,

拿拿林試下整蛋糕,

第一個呢, 就試呢個濃濃既古典朱古力蛋糕,

我跟呢個recipe 整架,

d製作唔記得影相丫 >.<

雞手鴨腳咁搞完一大輪,

預備入爐了

好緊張,

一路擔心發唔起,

見佢升高,
先放少少心

爆la爆la!!

為食貓個recipe 話
此蛋糕放涼後， 中央會"lub"陷一大片， 並產生龜裂， 是其特徵。唔駛驚慌!

好似ok wor!

咁重要既時刻部大機未番屋企, 用dc 影住先

出爐la!

個面要脆卜卜 好似都ok
哈哈, 當然要加kitty 個樣落去,

不個個面唔平, d糖霜'sum'到一忽忽

面脆內軟~ d內涵 濕濕地, 勁好味

可算成功了!!
哈哈哈哈哈哈哈哈哈哈哈哈哈哈哈!!

何去何從

好想好想去淋雨;
好想好想走到石灘大叫;
好想好想去一個陌生的地方,
一個人也不認識也不需認識.

外遊啟示

哎哎哎~ 唔記得出個通告添,

我家犬兒'阿大力生'去左參加人地個'追櫻之旅'..

導遊一男一女:

同行有同門師弟'伯拾生'

仲有唔同派系既'吾癲生'&人地師妹'事畢癲小姐'...

帶左十幾廿支兵器去反..

星期五先回港, 回順條氣先番屋企...

有得出街反就阿媽姓乜都唔記得,

電話都唔打個番屋企~~

掛屎我la..

小新

同事個bb滿月,

無去到飲佢果餐滿月酒丫,

同四月之星撞左期~

好彩無去乍,

到時忍唔到口同手係咁非禮抽水咬咬人地個B就弊傢伙>.<

佢老豆話佢成個'小新'咁,

一個月人仔已經要著三個月B既衫仔

好得意呢~

腦海演奏廳

今朝個腦常常響起呢首歌..

瀟瀟颼颼悄悄夜靜無人 伴我行是寂寥
絲絲點點細雨串串落下 迷離撲朔飄渺
冰冰冷冷滴著微微柔黃 是霧燈的苦笑
飄飄涼風輕吻浪潮
偏偏想起那次幸運回頭 大會堂裡邂逅
卿卿我我說笑靜靜垂頭 兩手輕輕緊扣
分分秒秒像是停留停留 浪漫中的演奏
可惜時光不會逗留 轉眼飄走
可笑是我沒法沒法不想
跟你同渡甜蜜甜蜜片段
星雨下你在笑著我像個小丑 台下彈奏
不再害怕害怕害怕分手
分手以後無奈如舊
人漸消瘦 相愛是這樣會令我
疲倦不休 無力挽留

4KG 的手信

4KG!!!!

厲害吧!!!

好多謝老油雞丫!!!

四月之星

哈哈, 上星期六buffetclub 同四月之星慶祝生日,
我地去左Megabox 既喜百合食飯,
好好味丫

有李太要求既片皮鴨 ;p

好正既甜品

飽飽又滿足

加勒比海盜?!

貼左2塊膠布,

xx第一眼見到衝囗而出既就係

'加勒比海盜丫!!'

邊忽似 .\/.!!